ഈന്തപ്പന

കരുണം!

2010-04-06T22:28:00.003+05:30

കൊച്ചി മറൈന്‍ ഡ്രൈവില്‍ നിന്നും ഒരു പാവം പരസ്യ ചിത്രം

മരങ്ങള്‍ക്കിടയിലേക്ക്‌...

2009-05-19T14:19:00.003+05:30

തുളസിയുടെ ബ്ലോഗ്‌ കണ്ടപ്പോഴാണ്‌ എനിക്കും വേണം അത്തരം ഒരു ടെംപ്ലേറ്റ്‌ എന്ന്‌ തോന്നിയത്‌. ഓരോ അത്യാഗ്രഹങ്ങള്‍! അവന്റെ പോലെ ചിത്രങ്ങളെടുക്കാന്‍ ഞാന്‍ തലകുത്തി മറിഞ്ഞാലും സാധിക്കില്ല. ചിത്രങ്ങള്‍ക്ക്‌ അവനെഴുതുന്നപോലെ നല്ല അടിക്കുറിപ്പുകളെഴുതാന്‍ ശ്രമിച്ച്‌ പരാജയപ്പെട്ട്‌ ഞാന്‍ അസൂയകൊണ്ട്‌ മൂക്ക്‌ ചൊറിഞ്ഞു. അതുകൊണ്ട്‌ ആ ടെംപ്ലേറ്റെങ്കിലും അടിച്ചുമാറ്റണം എന്ന ആഗ്രഹം കലശലായി. ഉടനെ അവനെ ഫോണില്‍ വിളിച്ചു.
അപ്പോള്‍ കക്ഷി കാസര്‍കോട്‌ ടൈഫോയ്‌ഡിന്റെ പിടിയില്‍. കുറച്ചുദിവസം ക്ഷമിച്ചു. പിന്നേം വിളിച്ചു. അപ്പോഴും ടൈഫോയ്‌ഡ്‌. ഒടുവില്‍ ആ രോഗക്കിടക്കയിലും അവനെ ബുദ്ധിമുട്ടിച്ച്‌ ഞാന്‍ സൂത്രങ്ങള്‍ ഒന്നൊന്നായി മനസ്സിലാക്കി. ആവശ്യക്കാര്‍ ഔചിത്യത്തിന്റെ കാര്യത്തില്‍ പണ്ടേ ഇങ്ങനെയാണല്ലോ.
അങ്ങനെ ഞാനും സംഘടിപ്പിച്ചു ഒരു തുളസി മോഡല്‍ ടെംപ്ലേറ്റ്‌. ഇതില്‍ ചിത്രങ്ങള്‍ മാത്രം നിക്ഷേപിക്കാം എന്ന്‌ തീരുമാനിച്ചു. എഴുത്തൊക്കെ വല്ലാതെ ബോറടിച്ചുതുടങ്ങി. അതുകൊണ്ട്‌... പുതിയൊരു ബ്ലോഗുതന്നെ തുടങ്ങിക്കളയാം എന്ന്‌ കരുതി.
അങ്ങനെ മരങ്ങള്‍ക്കിടയിലേക്ക്‌ തുടങ്ങി.
കയറിനോക്കൂ...
www.andintothetrees.blogspot.com

സുരക്ഷിത പിണറായി, ഐശ്വര്യലാവലിന്‍!

2009-02-06T15:53:00.004+05:30

നവംനവമായ കേരളയാത്രാ കപ്പിത്താന്‍ സഖാവ്‌ മിന്നല്‍പ്പിണറായി വിജയന്‌ ആയിരം മെഗാവാട്ട്‌ അഭിവാദ്യങ്ങള്‍
കോട്ടയം വഴി ഒരു സാധാരണ യാത്രയില്‍ കണ്ട അഭിവാദ്യങ്ങള്‍ കൂടി അര്‍പ്പിക്കട്ടെ, സഖാവെ, എന്റെ ഊതിക്കാച്ചിയ പൊന്നേ...

"വിശുദ്ധ ഫാ. പൂതൃക്ക, സവിശുദ്ധ ഫാ. കോട്ടൂര്‍, പരിശുദ്ധ സിസ്റ്റര്‍ സെഫി, സഖാവ്‌ പിണറായി വിജയന്‍ എന്നിവരെ യാതൊരു കാരണവുമില്ലാതെ, രാഷ്ട്രീയപ്രേരിതമായി പീഡിപ്പിക്കുന്ന സി ബി ഐ തുലയട്ടെ."

അതിനിടെ ഇത്‌ കണ്ടോ നിങ്ങള്‍?
snclavalin.blogspot.com

ലാവ്‌ലിന്‍ കേസിന്റെ രേഖകള്‍, തെളിവുകള്‍... ഇതെല്ലാമാണത്രേ ഈ ബ്ലോഗില്‍!
കഷ്ടം! സി പി എമ്മിനെ തകര്‍ക്കാന്‍ സിന്‍ഡിക്കേറ്റ്‌ സാഹിത്യം ബ്ലോഗിലും! ഇവരൊക്കെ പാര്‍ട്ടിയെക്കുറിച്ച്‌ എന്താ ധരിച്ചുവെച്ചിരിക്കുന്നത്‌?
സിന്‍ഡിക്കേറ്റ്‌ പത്രക്കാരെ, കഴിഞ്ഞ കേരള യാത്രയുടെ സല്‍ക്കാരത്തിന്‌ വിളിച്ചപ്പോള്‍ പാര്‍ട്ടിയുടെ അണ്ടിപ്പരിപ്പും മുന്തിരിയും കീശയില്‍ വാരിക്കൊണ്ടുപോവുന്നതിന്റെ മൊബൈല്‍ ഫോണ്‍ ദൃശ്യങ്ങള്‍ സഖാക്കളുടെ കയ്യിലുണ്ട്‌, ജാഗ്രതൈ!
(ഈ പാര്‍ട്ടിയെക്കുറിച്ച്‌ നിങ്ങള്‍ക്ക്‌ ഒരു ചുക്കുമറിയില്ല....ഹല്ലാ പിന്നെ!)

നായകള്‍ കുരച്ചുകൊണ്ടേയിരിക്കും. വിശുദ്ധസഖാവിന്റെ സാര്‍ത്ഥവാഹകസംഘം മുന്നോട്ടു ഗമിക്കുക തന്നെ ചെയ്യും.
എടോ, ബ്ലോഗാലകൃഷ്‌ണാ...പാര്‍ട്ടിയെക്കുറിച്ച്‌ തനിക്കെന്തറിയാം?

Out of Focus

2009-01-29T16:14:00.003+05:30

Water Colours-II

2009-01-29T16:02:00.000+05:30

അസ്‌തമനക്കടലനിന്നകലെ...

2009-01-28T15:41:00.002+05:30

കാവടിയാട്ടം

2009-01-28T15:19:00.003+05:30

വെയില്‍ച്ചീളുകള്‍

2009-01-28T13:31:00.003+05:30

Water Colour

2009-01-21T13:23:00.001+05:30

മുമ്പേ പറക്കുന്ന ബിഷപ്പ്‌, അമ്പേ പിറക്കുന്ന ക്‌ടാങ്ങള്‍

2008-07-13T23:43:00.004+05:30

ഉള്ളതു പറയണമല്ലോ. ഞങ്ങള്‍ പുതുക്കാട്ടുകാരുടെ മാത്രമല്ല തൃശ്ശൂര്‍ക്കാരുടെ മൊത്തം, അഭിമാനതാരമാണ്‌ ബിഷപ്പ്‌ ആന്‍ഡ്ര്യൂസ്‌ താഴത്ത്‌ തിരുമേനി. അതിരൂപതയില്‍ ഇതുവരെക്കാണാത്ത തരം ഉശിരാണ്‌ സഖാവിന്റെ തുറുപ്പുഗുലാന്‍. പേരില്‍ താഴത്താണെങ്കിലും അങ്ങ്‌ ഉയരത്തില്‍ കര്‍ത്താവിനേക്കാള്‍ മേലോട്ടാണ്‌ തിരുമേനിയുടെ പുറപ്പാട്‌.

സംശയമുണ്ടെങ്കില്‍ കഴിഞ്ഞ കുറെ മാസങ്ങളായി കേരളത്തില്‍ നടന്നിട്ടുള്ള രാഷ്‌ട്രീയ വിവാദങ്ങള്‍ റിവേഴ്‌സ്‌ മോഡില്‍ നോക്കിയാല്‍ മതി. അതിന്റെയെല്ലാം ആര്‍ക്കൈവ്‌സില്‍ ആദ്യത്തെ എന്‍ട്രി താഴത്ത്‌ തിരുമേനിയുടേതാവും.

സമരത്തിന്റെ ദൈവവിളി

വിമോചനസമരത്തിനായുള്ള ദൈവവിളി വന്നുവീണത്‌ തുരുമേനിയുടെ തിരുശിരസ്സിലായിരുന്നു. വി എസ്‌ അച്യുതാനന്ദന്‍ സര്‍ക്കാര്‍ ഇരുന്ന്‌ മൂരി നിവര്‍ത്തുന്നതേ ഉണ്ടായിരുന്നുള്ളൂ. മൂന്നാറും ഭൂമി കയ്യേറ്റം ഒഴിപ്പിക്കലുമൊക്കെയായി 57ലെ ഇ എം എസ്‌ മന്ത്രിസഭയുടെ ക്ലോണ്‍ ആണ്‌ തന്റേതെന്ന്‌ വി എസ്‌ നീട്ടിവലിച്ച്‌ പറഞ്ഞുതീര്‍ന്നപ്പോഴേക്കും താഴത്ത്‌ തിരുമേനി വെടിമുഴക്കി.

വി എസിന്റേത്‌ രണ്ടാം ഇ എം എസ്‌ മന്ത്രിസഭയെങ്കില്‍ സഭയുടെ വക രണ്ടാം വിമോചനസമരവുമാകട്ടെ. കുഞ്ഞാടുകളെ തെരുവിലിറങ്ങുവിന്‍!

രണ്ടാം ഇ എം എസ്‌ മന്ത്രിസഭ പോലെ, രണ്ടാം ഭൂപരിഷ്‌കരണം പോലെ, രണ്ടാം വിമോചനസ്വപ്‌നങ്ങളും വെറും ഉഡായിപ്പ്‌ പരിപാടിയായിപ്പോയി. (ചരിത്രം ആവര്‍ത്തിക്കുന്നു. ആദ്യം ഒരു ട്രാജഡിയായും പിന്നീട്‌ ഒരു അസംബന്ധനാടകമായും എന്ന്‌ പറഞ്ഞത്‌ മാര്‍ക്‌സ്‌ ആണോ? മാര്‍ക്‌സിനെ ഉദ്ധരിച്ചാല്‍ സഭ ഒന്നടങ്കം ഉദ്ധരിച്ചിങ്ങോട്ട്‌ വരുമെന്നതിനാല്‍ ആ ചോദ്യം ഞാന്‍ ഇതിനാല്‍ വിഴുങ്ങിക്കൊള്ളുന്നു. ആമെന്‍)

എന്തായാലും രണ്ടാം വിമോചനസമരം സഭയെ ആകെയൊന്ന്‌ ത്രസിപ്പിച്ചുകളഞ്ഞു. നിത്യകുര്‍ബാനയും പോപ്പിന്റെ ദൈനംദിന മാപ്പുപറച്ചിലും മാത്രം ആസ്വദിക്കാന്‍ വിധിക്കപ്പെട്ട കെ സി വൈ എം കാര്‍ക്കും അല്‍മായര്‍ക്കും ഒരു ചൂരും ചുണയുമൊക്കെ വന്നു. കന്യാസ്‌ത്രീമഠങ്ങളില്‍ നിന്നും കര്‍ത്താവിന്റെ മണവാട്ടിമാര്‍ വിമോചനസമരവുമായി നഗരം ചുറ്റി. മുദ്രാവാക്യം വിളിയില്ലെങ്കിലും വിമോചനസമരത്തിനായി അവര്‍ പലതവണ കൊന്തയെത്തിച്ചു.

അധികം കളിച്ചാല്‍ ചുവപ്പന്‍മാര്‍ കുറുമാലിപ്പുഴ കടന്ന്‌ വടക്കോട്ട്‌ കയറില്ലെന്ന ബിഷപ്പിന്റെ പ്രസ്‌താവന കേട്ട്‌ ദേ എന്റെ രോമങ്ങള്‍ ഒന്നടങ്കം എഴുന്നേറ്റ്‌ നിന്ന്‌ സെല്യൂട്ട്‌ അടിച്ചു. (കുറുമാലിപ്പുഴയെന്നത്‌ പുതുക്കാട്ടുകാരുടെ ദേശീയ നദിയാണ്‌. പാലമുണ്ട്‌. അത്യാവശ്യം നീന്തലറിയുന്നവര്‍ക്ക്‌ അതാവാം. )

പാഠം ഒന്ന്‌, പാഠപുസ്‌തകം

വിമോചനസമരപ്രഖ്യാപനത്തിന്‌ ശേഷം താഴത്ത്‌ തിരുമേനി വീണ്ടുമെത്തുന്നത്‌ രണ്ടാം മുണ്ടശ്ശേരിയുടെ ഏഴാംക്ലാസ്‌ പാഠപുസ്‌തകത്തിനെതിരായിട്ടായിരുന്നു. ഇക്കാര്യത്തിലും ആദ്യത്തെ വെടി പൊട്ടിച്ചത്‌ താഴത്ത്‌ ബിഷപ്പ്‌ തന്നെ. പാഠപുസ്‌തകത്തില്‍ മതവിരുദ്ധതയുണ്ടെന്നും അത്‌ പഠിപ്പിക്കണോ എന്ന്‌ ആലോചിക്കേണ്ടിവരുമെന്നും പൊതുവേദിയില്‍ ആദ്യം പ്രസംഗിച്ചത്‌ താഴത്ത്‌ തിരുമേനിയാണ്‌. അത്‌ കഴിഞ്ഞ്‌ ദിവസങ്ങള്‍ കഴിഞ്ഞാണ്‌ യു ഡി എഫ്‌ അതിബുദ്ധികള്‍ക്ക്‌ സംഗതിയുടെ സാധ്യത മനസ്സിലായത്‌. എന്തായാലും പാഠപുസ്‌തകവിവാദം നിന്നു കത്തി. തൃശ്ശൂര്‍ അതിരൂപതയിലെ കുഞ്ഞാടുകളെ തെരുവിലിറക്കി തിരുമേനി സമരത്തില്‍ മുന്നിലിറങ്ങി.

നാമൊന്ന്‌ നമുക്ക്‌ നൂറ്‌

സഭയുടെ വരാനിരിക്കുന്ന കാലം പ്രതിഷേധ പ്രകടനങ്ങളുടെയും തെരുവുസമരങ്ങളുടെയും സുവര്‍ണയുഗമായിരിക്കുമെന്ന്‌ ബിഷപ്പ്‌ തിരുമേനിയും ഇടയന്മാരും മുന്‍കൂട്ടി കണക്കാക്കുന്നു. അതുകൊണ്ട്‌ തെരുവുനിറയ്‌ക്കാന്‍ കൂടുതല്‍ ആളെ വേണം. ഔട്ട്‌സോഴ്‌സിങ്‌ കൊണ്ടും കന്യാസ്‌ത്രീകളെ തെരുവിലിറക്കിയും എത്ര കാലം സമരമുഖത്ത്‌ തുടരും? മാത്രവുമല്ല വോട്ട്‌ ബാങ്ക്‌ രാഷ്‌ട്രീയം കുറെക്കൂടി ശക്തമാക്കാന്‍ സഭയ്‌ക്ക്‌ ഇനിയും കുഞ്ഞാടുകള്‍ എമ്പിടി വേണം. മാര്‍ഗ്ഗം കൂടലും മാമൂദീസയുമൊന്നും പണ്ടെപ്പോലെ ഫലിക്കുന്നില്ല. അപെക്‌സ്‌ അള്‍ട്ടിമ തന്നെ ശരണം. ഒടുവില്‍ സഭ വിശ്വാസികളോട്‌ ഇപ്രകാരം അരുളിച്ചെയ്‌തു. നിങ്ങള്‍ സ്വയം കൃഷിനിലങ്ങളാകുവിന്‍, കൂടുതല്‍ വിള ഉല്‍പ്പാദിപ്പിക്കുവിന്‍.

കൂടുതല്‍ കുട്ടികള്‍,കൂടുതല്‍ സുരക്ഷ എന്ന്‌ പ്രഖ്യാപിക്കുന്ന ബോര്‍ഡ്‌ താഴത്ത്‌ തിരുമേനിയുടെ സ്വന്തം ജൂബിലി മിഷന്‍ ഹോസ്‌പിറ്റലിന്‌ മുമ്പില്‍ തൂങ്ങാന്‍ തുടങ്ങിയിട്ട്‌ മാസങ്ങള്‍ പലതായി. കൂടുതല്‍ കുട്ടികളെ ഉണ്ടാക്കണമെന്ന്‌ കെ സി ബി സി ആവശ്യപ്പെടുന്നതിന്‌ മുമ്പെ തന്നെ ഇരിങ്ങാലക്കുട സിനഡ്‌ അത്തരമൊരു ആഹ്വാനം നല്‍കിയിരുന്നു. തൃശ്ശൂര്‍ ഭാഷയില്‍ പറഞ്ഞാല്‍ ക്‌ടാവൊന്നിന്‌ ഇത്ര വെച്ച്‌ സഹായവും പ്രഖ്യാപിച്ചിരുന്നു. ഇതിനൊക്കെ എത്രയോ നാള്‍ കഴിഞ്ഞാണ്‌ കെ സി ബി സിക്ക്‌ ഈ ബുദ്ധി ഉദിക്കുന്നത്‌!

ഇതാണ്‌ ഉരുളയ്‌ക്ക്‌ ഒരുവായ എന്ന്‌ പറയുന്നത്‌. ഇടതുസര്‍ക്കാര്‍ ഭക്ഷ്യസുരക്ഷാ പദ്ധതി മനസ്സില്‍ കാണുന്നതിനും അതിന്റെ ഭാഗമായി പോത്തുകച്ചവടം തുടങ്ങിയ കലാപരിപാടികള്‍ ആസൂത്രണം ചെയ്യുന്നതിനും മുമ്പുതന്നെ ബിഷപ്പ്‌ സംഗതി മണത്തു. വാല്‌ പൊക്കുന്നത്‌ കണ്ടാലറിഞ്ഞുകൂടെ കാളയ്‌ക്ക്‌ മറ്റേതിന്റെ സൂക്കേടാണെന്ന്‌.... ഏത്‌? അവര്‌ നികത്തിയ പാടത്ത്‌ മണ്ണിട്ട്‌, കിളച്ചുമറിച്ചുവിതച്ചുവിരിച്ചുവിളഞ്ഞതുകുത്തിച്ചേറി വരുമ്പോഴേക്കും നമ്മള്‌ കത്തോലിക്കര്‌ ആഞ്ഞുപിടിച്ച്‌ ജനമങ്ങ്‌ പെരുക്കും. ചേടത്തിമാര്‍ പെറ്റുകൂട്ടുന്നത്‌ കണ്ടാല്‍ മറ്റ്‌ സമുദായക്കാര്‍ വെറുതെയിരിക്കുമോ? മതമുള്ള ജീവനുകള്‍ ചറപറാ പിറക്കും. സര്‍ക്കാരിന്‌ തലവേദന പെരുക്കും.

സഭയ്‌ക്കോ..? സ്വാശ്രയക്കോളെജുകളില്‍ കൂടുതല്‍ സീറ്റ്‌, കൂടുതല്‍ കുട്ടികള്‍, കൂടുതല്‍ പണം.

മിഷന്‍ ഹോസ്‌പിറ്റലുകളില്‍ കൂടുതല്‍ പ്രസവവാര്‍ഡുകള്‍, കൂടുതല്‍ സിസേറിയന്‍ കൂടുതല്‍ പണം.

കുട്ടികള്‍ക്ക്‌ കരപ്പന്‍ മുതല്‍ വയറിളക്കം വരെ.. ആശുപത്രികളില്‍ എന്നും റെക്കോഡ്‌ കൊയ്‌ത്ത്‌.

കൂടുതല്‍ മാമോദീസകള്‍, കൂടുതല്‍ വിവാഹവെഞ്ചെരിപ്പുകള്‍, കെ സി വൈ എമ്മില്‍ കൂടുതല്‍ യുവാക്കള്‍. മഠങ്ങളില്‍ കൂടുതല്‍ കന്യാസ്‌ത്രീകള്‍.

കൂടുതല്‍ ക്രിസ്‌ത്യാനി മരണങ്ങള്‍. കൂടുതല്‍ കല്ലറകള്‍. ഓരോ കല്ലറയ്‌ക്കും മിനിമം പതിനയ്യായിരം വെച്ച്‌ കണക്കുകൂട്ടിയാല്‍ തന്നെ പള്ളികളുടെ വരുമാനം സ്വര്‍ഗം തുളയ്‌ക്കും.

ഇതൊരു മ്യൂച്വല്‍ഫണ്ടാണ്‌ കുഞ്ഞാടുകളെ. നിങ്ങള്‍ ചെയ്യേണ്ടതിത്രമാത്രം. കൂടുതല്‍ കുട്ടികളെ ഉണ്ടാക്കുക. സഭയില്‍ നിക്ഷേപിക്കുക. സഭ നിങ്ങളോടൊപ്പമുണ്ട്‌. ആമെന്‍. (please read the offer document carefully before investing!)

81 സെന്റും പ്രതാപികളായ പിതൃക്കളും ചുളുവിലയ്‌ക്ക്‌: ഈന്തപ്പന റിയല്‍ എസ്റ്റേറ്റ്‌

2007-11-09T13:22:00.001+05:30

തൃശ്ശൂരില്‍ കുന്ദംകുളത്തിനടുത്ത്‌ കരിയാട്‌ എന്ന മനോഹരമായ പ്രദേശം. മനോഹരമായ നെല്‍പാടത്തോട്‌ ചേര്‍ന്നുള്ള എണ്‍പത്തിയൊന്ന്‌ സെന്റ്‌ കവുങ്ങിന്‍ തോട്ടം. അടുത്തുതന്നെ ഒഴുകുന്ന കരിയാട്‌ പുഴയിലെ തണുത്തവെള്ളത്തില്‍ ഒരുതവണ കാലെടുത്തുവെച്ചാല്‍ രണ്ടാമതൊന്ന്‌ അങ്ങനെ ചെയ്യണമെന്ന്‌ തോന്നിയാല്‍ നടക്കില്ലെന്നാണ്‌ കേള്‍വി. കഥയിലെ എണ്‍പത്തിയൊന്ന്‌ സെന്റിനോട്‌ ചേര്‍ന്നുള്ള സ്ഥലവും ഇപ്പറയുന്ന സ്ഥലവും ഒന്നായിരുന്ന കാലം ഉണ്ടായിരുന്നു. ഇതില്‍ കാരണവര്‍മാരെ കുടിയിരുത്തിയ ഒരു കാവും ഉണ്ടായിരുന്നു. (ഇപ്പോഴും ഉണ്ട്‌.)

കാവുള്‍പ്പെടെയുള്ള സ്ഥലം നേരത്തെ ഒരാള്‍ക്ക്‌ വിറ്റു. നാട്ടില്‍ പരക്കുന്ന വാര്‍ത്തയനുസരിച്ച്‌ വാങ്ങിച്ചയാള്‍ മുടിഞ്ഞുപോയി. അയാളത്‌ മറിച്ചുവിറ്റു. ഇത്തവണ വാങ്ങിയ ആള്‍ക്കും ഗതി അധോ. കിട്ടിയ കാശിന്‌ പറമ്പ്‌ പിന്നെയും മറിഞ്ഞു. ഇത്തവണ കൈയ്യില്‍ കിട്ടിയ ഭാഗ്യശാലിക്ക്‌ നിര്‍ഭാഗ്യം കൊണ്ട്‌ നില്‍ക്കപ്പൊറുതിയില്ലാതായി. ഇത്രയുമായപ്പോഴേക്കും നാട്ടില്‍പ്പാട്ട്‌ ഉച്ചത്തിലായി. `സഞ്ചാരമുള്ള സ്ഥലമാണ്‌, അതുകൊണ്ടാണ്‌ ആരും ഗതിപിടിക്കാത്തത്‌!'

എന്ത്‌ വിലയ്‌ക്ക്‌ കൊടുത്താലും വാങ്ങാനാളില്ലാതായി. റിയല്‍ എസ്റ്റേറ്റ്‌ ക്ലാസ്സിഫൈഡ്‌സില്‍ പരസ്യം കൊടുത്ത്‌ കാശുപോയതും കാത്തിരുന്നതും മിച്ചം. ഒടുവില്‍ നിര്‍ഭാഗ്യശാലിയായ ഉടമയുടെ മകന്‌ കടുത്ത ഒരു ബുദ്ധി തോന്നി. സ്ഥലം തൃശ്ശൂരിലെ ബ്ലേഡ്‌ കമ്പനിയില്‍ പണയം വെച്ചു. ബ്ലേഡുകാരോട്‌ പേശി പരമാവധി കാശ്‌ വാങ്ങിച്ചെടുത്തു. ആ പ്രദേശത്തെ ഏകദേശം വില ഊഹിച്ചുനോക്കിയ ബ്ലേഡുകാര്‍ നല്ല തുക തന്നെ നല്‍കി. ഒടുവില്‍ ഇടപാടുകാരന്‍ പണമടക്കാതായി, ജപ്‌തിയായി. ഉടമ സസന്തോഷം ബ്ലേഡുകാരന്‌ സ്ഥലം കൈമാറുകയും ഹാവൂൂൂ.... എന്ന്‌ നാട്ടുകാര്‍ കേള്‍ക്കെ നെടുവീര്‍പ്പിടുകയും ചെയ്‌തു. ബ്ലേഡുകാര്‍ ഇപ്പോള്‍ നെഞ്ചത്തടിയും നിലവിളിയുമായി..... (അല്ലെങ്കിലും അവര്‍ക്കതുവേണം!)

ഇനി തൊട്ടടുത്ത്‌ കിടക്കുന്ന എണ്‍പത്തിയൊന്ന്‌ സെന്റ്‌ സ്ഥലത്തേക്ക്‌. സഞ്ചാരം നടക്കുന്ന കാവ്‌ മുമ്പ്‌ ഉണ്ടായിരുന്ന സ്ഥലമായിരുന്നതുകൊണ്ട്‌ ഈ സ്ഥലത്തും `സഞ്ചാരം' ഉണ്ടെന്ന്‌ നാട്ടുകാര്‍. വില്‍ക്കാന്‍ പഠിച്ച പണി പലതും നോക്കിയിട്ടും സഞ്ചാരവും പിതൃക്കളും പിന്‍തുടര്‍ന്നു. കാവിന്‌ ചുറ്റുമുള്ള നാല്‌ സെന്റ്‌ വീതം നാല്‌ പ്ലോട്ടുകള്‍ സൗജന്യമായി ഭൂരഹിതര്‍ക്ക്‌ നല്‍കാമെന്ന്‌ കാണിച്ച്‌ ഉടമ പത്രത്തില്‍ പരസ്യം നല്‍കി. സൗജന്യഭൂമി വിതരണത്തെക്കുറിച്ച്‌ കേട്ടറിഞ്ഞെത്തിയ ഒരു ഭൂരഹിതന്‍ കരിയാട്‌ ബസ്‌ സ്റ്റോപ്പിലിറങ്ങി നേരെ ടി സ്ഥലത്തേക്കുള്ള മുന്നൂറ്‌ മീറ്റര്‍ നടക്കുന്നതിനിടയില്‍ സഞ്ചാരത്തെക്കുറിച്ചുള്ള വിവരവും അനുബന്ധകഥകളും അയാള്‍ അറിയുകയും കിട്ടിയ ബസിന്‌ തിരിച്ചുപോവുകയും ചെയ്‌തു. സഞ്ചാരം പരിപാടി തുടരുന്നു.

പതിനാറായിരം മുതല്‍ ഇരുപതിനായിരം രൂപവരെ സെന്റിന്‌ സ്ഥലവിലയുള്ള ആ പ്രദേശത്ത്‌ അയ്യായിരത്തില്‍താഴെ വിലയ്‌ക്ക്‌ കൊടുക്കാമെന്ന്‌ പറഞ്ഞിട്ടും സൗജന്യമായി നല്‍കാമെന്ന്‌ പറഞ്ഞിട്ടും എണ്‍പത്തിയൊന്ന്‌ സെന്റ്‌ കമുകിന്‍ തോട്ടം ആര്‍ക്കും വേണ്ടാതെ കിടക്കുന്നു. സുഹൃത്തുക്കളേ എണ്‍പത്തിയൊന്ന്‌ സെന്റിനൊപ്പം രസികന്‍മാരായ പിതൃക്കളേയും ഒറ്റയടിക്ക്‌ ചുളുവിലയ്‌ക്ക്‌ വാങ്ങുവാനുള്ള സുവര്‍ണ്ണാവസരമാണിത്‌. വേഗമാവട്ടെ.

.....................

സംശയിക്കേണ്ട, ഇത്‌ കേരളം തന്നെ!

ബോബനും മോളിക്കും വയസ്സ്‌ അമ്പത്‌

2007-10-31T12:43:00.000+05:30

രണ്ടുവര്‍ഷം മുമ്പ്‌ പ്രമുഖ നര്‍ത്തകി നീനാ പ്രസാദിനെ ഇന്റര്‍വ്യു ചെയ്യേണ്ടി വന്നു. മോഹിനിയാട്ടം പോയിട്ട്‌ നാടോടി നൃത്തത്തെക്കുറിച്ച്‌ പോലും എനിക്ക്‌ ക..മാന്ന്‌ അറിഞ്ഞുകൂടാ. എന്തുതുടങ്ങണം എങ്ങനെ തുടങ്ങണം എന്നോ എങ്ങനെ ചോദിച്ചുമുന്നേറണമെന്നോ അറിയില്ല. മാധവം എന്ന്‌ പേരിട്ട തിരുവനന്തപുരത്തെ വീട്ടില്‍ തണുത്ത നാരങ്ങാ വെള്ളവും രണ്ട്‌ ചെങ്കദളിപ്പഴങ്ങളും നല്‍കി അവര്‍ എന്നെ സ്വീകരിച്ചു. ഉപചാരങ്ങള്‍ കഴിഞ്ഞിട്ടും സംസാരം ലോകകാര്യങ്ങളില്‍ ചുറ്റിത്തിരിഞ്ഞു. മോഹിനിയാട്ടത്തെക്കുറിച്ചും പുതിയ നൃത്ത ശില്‍പത്തെക്കുറിച്ചും പറഞ്ഞുതുടങ്ങിയപ്പോള്‍ അവര്‍ കടുത്ത മലയാളം പുറത്തെടുത്തു. അച്ചടിഭാഷയില്‍ അല്‍പം കടുത്ത ഗദ്യത്തിലായിരുന്നു അവരുടെ സംസാരം. രസം, ധ്വനി, ഭാവം എന്നിങ്ങനെ എനിക്ക്‌ മനസ്സിലാവാത്ത ഏതൊക്കെയോ കാര്യങ്ങള്‍ അവര്‍ പറഞ്ഞുകൊണ്ടിരുന്നു.

അതിനിടയില്‍ വേണ്ടാതിരുന്നിട്ടും വലിയ രണ്ട്‌ ചെങ്കദളിയും ഞാന്‍ തീര്‍ത്തു. എനിക്ക്‌ വേറൊന്നും ചെയ്യാനുണ്ടായിരുന്നില്ല. ഞാന്‍ ജോലി ചെയ്‌തിരുന്ന സെലിബ്രിറ്റി മാഗസിന്‌ വേണ്ടിയിരുന്നത്‌- ഊഹിക്കാവുന്നതുപോലെ- അവരുടെ മേഖലയ്‌ക്ക്‌ പുറത്തുള്ള ഇഷ്‌ടങ്ങളും മറ്റുമായിരുന്നു.

മോഹിനിയാട്ടത്തിന്റെ ചരിത്രവും ഭൂമിശാസ്‌ത്രവും പറഞ്ഞിരുന്നാല്‍ ഞാന്‍ തെണ്ടിപ്പോവും. മുക്കാല്‍ മണിക്കൂര്‍ കഴിഞ്ഞിട്ടും മോഹിനിയാട്ടത്തില്‍ നിന്ന്‌ പുറത്തുകടന്നില്ല. അങ്ങനെയിരിക്കുമ്പോള്‍ മോഹിനിയാട്ടത്തില്‍ ഹാസ്യാവിഷ്‌കരണത്തെക്കുറിച്ച്‌ ഞാനൊരു ചോദ്യമങ്ങിട്ടു. അബദ്ധമായിപ്പോവുമോ എന്ന്‌ ഒരു പേടിയുണ്ടായിരുന്നെങ്കിലും ഒരു ധൈര്യത്തിനങ്ങ്‌ ചോദിച്ചു. ആ ചൂണ്ട ഒന്ന്‌ നീട്ടിയിട്ട്‌ നോക്കിയപ്പോള്‍ നീനാ പ്രസാദ്‌ എന്ന ബോബനും മോളിയും ആരാധിക പുറത്തേക്ക്‌ വന്നു. എനിക്ക്‌ ആശ്വാസം.
ഒരുമണിക്കൂറിലധികം നീണ്ട സംസാരത്തിനിടയില്‍ രണ്ടുപേര്‍ക്കും പൊതുവായ ആദ്യത്തെ സംഗതി ബോബനും മോളിയും ആയിരുന്നു. മറ്റൊരു മാറ്റം കൂടി സംഭവിച്ചു, നീന പ്രസാദ്‌ പൊടുന്നനെ സ്വന്തം ഭാഷയില്‍ സംസാരിക്കാന്‍ തുടങ്ങി. അതുവരെ കടുത്ത ഗദ്യമലയാളം സംസാരിച്ചിരുന്ന നീനാപ്രസദില്‍ നിന്ന്‌ യഥാര്‍ത്ഥ തിരുവനന്തപുരത്തുകാരി പൊട്ടിച്ചിരിച്ചുകൊണ്ട്‌ പുറത്തുവന്നു. ബോബനും മോളിയെയും കുറിച്ച്‌ ഞങ്ങള്‍ കുറച്ചധികം നേരം സംസാരിച്ചു. രണ്ടുമണിക്കൂറിലധികം നീണ്ട സംസാരം പിന്നീടങ്ങോട്ട്‌ കൂടുതല്‍ സൗഹൃദപൂര്‍ണവും ഊഷ്‌മളവുമായി.

-----

റ്റോംസിന്റെ ബോബനും മോളിക്കും അമ്പത്‌ വയസ്സാവുന്നു എന്ന വാര്‍ത്തയാണ്‌ ഈ സംഭവം ഓര്‍മ്മിപ്പിച്ചത്‌. മിമിക്രിയുഗം പിറക്കുന്നതിന്‌ മുമ്പ്‌ ചിരിയിലൂടെ സാമൂഹ്യവിമര്‍ശനം നടത്തിയ ബോബനും മോളിയും അരനൂറ്റാണ്ട്‌ പിന്നിടുന്നു. (റ്റോംസിന്റെ ബോബനും മോളിയും എന്നത്‌ അടിവരയിട്ടുതന്നെ വായിക്കണം. ബോബനേയും മോളിയെയും തട്ടിയെടുക്കാന്‍ മാത്തുക്കുട്ടിച്ചായനും മലയാളത്തിന്റെ സുപ്രഭാതവും നടത്തിയ വേലത്തരങ്ങള്‍ മറക്കാറായിട്ടില്ലല്ലോ.)
കടുത്ത രാഷ്‌ട്രീയ-ജീവിത വിമര്‍ശനങ്ങള്‍ നടത്തുന്ന ബോബനും മോളിക്കും കുട്ടനാടന്‍ മലയാളത്തെ ഭാഷയുടെ മുഖ്യധാരയിലേക്ക്‌ കൊണ്ടുവന്നു എന്ന ക്രെഡിറ്റുകൂടി അവകാശപ്പെടാം. എം ടി അടക്കമുള്ളവര്‍ കൊണ്ടുവന്ന വള്ളുവനാടന്‍ അധീശ/ആഢ്യഭാഷ സാഹിത്യവും അരങ്ങും മാധ്യമങ്ങളും അടക്കിവാഴുന്ന കാലത്താണ്‌ നാട്ടുഭാഷയുടെ രൂക്ഷമായ സറ്റയര്‍ സാധ്യതകള്‍ ഉപയോഗിച്ചുകൊണ്ട്‌ ബോബനും മോളിയും പഞ്ചായത്ത്‌ പ്രസിഡണ്ടും കൊച്ചമ്മയും കോണ്‍ട്രാക്‌ടറും ഒക്കെ നമ്മുടെ ഇടയില്‍ ജീവിച്ചത്‌, മലയാളികള്‍ക്ക്‌ പ്രിയങ്കരമായതും. ബോബനും മോളിയും വിശദമായ സാമൂഹ്യപഠനങ്ങള്‍ അര്‍ഹിക്കുന്നു.

o ബോബനും മോളിയും ഫാന്‍സ്‌ ക്ലബ്‌

o വെബ്‌ ലോകത്തില്‍

മുല്ലപ്പെരിയാര്‍ ഇനിയും പൊട്ടാത്തതെന്തുകൊണ്ട്‌?

2007-10-30T11:03:00.000+05:30

കഴിഞ്ഞ വര്‍ഷം ഇതേ സമയം വാര്‍ത്തകളില്‍ നിറഞ്ഞത്‌ മുല്ലപ്പെരിയാറിലെ വെള്ളം ഇഞ്ചോടിഞ്ച്‌ ഉയര്‍ന്നുകയറുന്നതായിരുന്നു. ഡാമിപ്പോള്‍ പൊട്ടിത്തെറിക്കുന്നതും നാലുജില്ലകള്‍ വെള്ളത്തിലാവുന്നതും പ്രതീക്ഷിച്ച്‌ കേരളം മനപ്പായസമുണ്ടു. കേരളസംസ്ഥാനത്തെ പത്രങ്ങളായ പത്രങ്ങളെല്ലാം ഉയരുന്ന വെള്ളക്കണക്കിന്റെ ലൈവ്‌ റിപ്പോര്‍ട്ടുകള്‍ നിറഞ്ഞു. വെണ്ടയ്‌ക്ക എമ്പാടും നിരന്നു. ആഴ്‌ചകളോളം വാര്‍ത്തകളില്‍ മുല്ലപ്പെരിയാറിന്റെ ജലനിലവാരം ആയിരുന്നു.

ചാനലുകള്‍ മുല്ലപ്പെരിയാറില്‍ കുടില്‍ കെട്ടി താമസിച്ചു. നൂറ്റിമുപ്പത്തിയാറ്‌- സംശയിക്കേണ്ട 136 അടി തന്നെ- അടി ഉയരുന്നതോടെ എല്ലാം തകരുമെന്നായിരുന്നു ഭയം പടര്‍ത്തിയ വാര്‍ത്തകള്‍. സര്‍ക്കാര്‍ ചാനലായ കൈരളി ക്രിക്കറ്റ്‌ ലൈവ്‌ സ്‌കോര്‍ കാണിക്കുന്ന സൂക്ഷ്‌മതയോടെ ഡാമില്‍ ഉയരുന്ന വെള്ളത്തിന്റെ വിവരം അപ്പപ്പോള്‍ അറിയാനായി സ്‌ക്രീനില്‍ അത്‌ ഇരുപത്തിനാല്‌ മണിക്കൂറും പ്രദര്‍ശിപ്പിച്ചു.

നെഞ്ചത്തടിച്ച്‌ കരഞ്ഞിട്ടും മന്ത്രിമാരും മുഖ്യമന്ത്രിയും പത്തിരുപത്‌ എം പിമാരും ഒക്കെ നിലവിളിച്ചുകരഞ്ഞിട്ടും അന്ന്‌ യാതൊരു പ്രയോജനവുമുണ്ടായില്ല. തമിഴ്‌നാട്‌ ലേശം പോലും കനിഞ്ഞില്ല. കലൈഞ്‌ജര്‍ ഇരുന്നിടത്തുനിന്ന്‌ അനങ്ങിയില്ല. കേരളം മുഴുവന്‍ ഒന്നടങ്കം താങ്ങുന്ന കേന്ദ്രവും പറഞ്ഞു, `ഞങ്ങള്‍ ഈ നാട്ടുകാരേയല്ല, ഇറ്റലിയില്‍ നിന്ന്‌ ദാ..ഇപ്പോ വന്നിറങ്ങിയതേ ഉള്ളു.'

ഇന്ന്‌ രാവിലെ മലയാളത്തിന്റെ സുപ്രഭാതം തുറന്നപ്പോള്‍ മൂന്നാംപേജില്‍ താഴെ രണ്ടുകോളത്തില്‍ ഒരു ചെറിയ വാര്‍ത്ത കണ്ടു. ``മുല്ലപ്പെരിയാര്‍ 136 അടി''. ടിവിയിലും ഇങ്ങനെ ഒരു വാര്‍ത്ത കണ്ടില്ലെന്നില്ല.

കഴിഞ്ഞവര്‍ഷത്തെ നൂറ്റിമുപ്പത്തിയാറ്‌ തന്നെയാണോ ഈ വര്‍ഷത്തേതെന്ന്‌ ഒരു ചിന്ന സംശയം. ആവാന്‍ വഴിയില്ല.

-----------------------------

മറ്റൊരു സംശയം കൂടി: പ്രജാക്ഷേമ തല്‍പരരായ സര്‍ക്കാരും മാധ്യമങ്ങളുമെല്ലാം മുല്ലപ്പെരിയാറിന്റെ ബലക്ഷയത്തെക്കുറിച്ച്‌ ഉല്‍ക്കണ്‌ഠപ്പെടുന്നത്‌ ന്യായം. എന്നാല്‍ ഇതേ നാവുകൊണ്ട്‌ നമ്മുടെ സ്വന്തം ഡാമുകളെക്കുറിച്ചുകൂടി പറയാത്തതെന്ത്‌? പ്രായം കൊണ്ട്‌ മുല്ലപ്പെരിയാറിനെക്കാള്‍ ചെറുപ്പമെങ്കിലും ബലക്ഷയത്തിന്റെ കാര്യത്തില്‍ മുല്ലനെ വെല്ലുന്ന ഡാമുകള്‍ നമ്മുടെ സ്വന്തം ഖജനാവുവിഴുങ്ങികള്‍ എത്രയോ കെട്ടിപ്പൊക്കിയിരിക്കുന്നു. തൃശ്ശൂര്‍ ജില്ലയിലെ ചിമ്മിനി തന്നെ ഉദാഹരണം. മുല്ലപ്പെരിയാറിലെ ചോര്‍ച്ചയെപ്പറ്റി പറഞ്ഞ്‌ വാതോരാത്തവര്‍ തൃശ്ശൂരില്‍ നിന്നും ഒന്നരമണിക്കൂര്‍ യാത്ര ചെയ്‌ത്‌ ചിമ്മിനിവരെഒന്നുപോയി നോക്കണം എന്ന്‌ അഭ്യര്‍ത്ഥന.

ചിമ്മിനി ഡാമിലെ ചോര്‍ച്ച. വേനല്‍ക്കാലത്ത്‌. (വെള്ളം നേര്‍ത്തൊഴുകുന്ന ഭാഗം പായല്‍പിടിച്ചിരിക്കുന്നു.) മഴക്കാലത്ത്‌ ഈ ചോര്‍ച്ച ഗംഭീരമായിത്തന്നെ ആസ്വദിക്കാം.

മഴക്കാലത്ത്‌ ഡാമിന്റെ പുറം ഭിത്തിയിലൂടെ അസംഖ്യം ഫൗണ്ടനുകള്‍ കണ്ട്‌ സഞ്ചാരികള്‍ക്ക്‌ ആഹ്ലാദിക്കാം.

see some more pix from chimmony here

ഇരുന്നിടം ഇടിഞ്ഞുതാഴട്ടെ!

2007-10-24T11:29:00.000+05:30

ഇന്നലെ രാത്രി പത്തരയ്‌ക്ക്‌ ചാനലുകളിലൂടെ പാഞ്ഞുനടന്നപ്പോള്‍ സുന്ദരിയായ ഒരു പെണ്‍കുട്ടി ചിരിച്ചുകൊണ്ടുനില്‍ക്കുന്നു. ജീവന്‍ ടി വിയിലെ റിലാക്‌സ്‌ എന്ന പരിപാടി. കോമഡി സീനുകള്‍ കണ്ട്‌ ഉറക്കം വരുത്താം എന്നു കരുതി, പോരാത്തതിന്‌ പുതിയ അവതാരക. (ഞാന്‍ ആദ്യമായാണ്‌ കാണുന്നത്‌ എന്നാണ്‌ ഉദ്ദേശിച്ചത്‌)

ഏതോ ഒരുത്തന്‍ ഗള്‍ഫില്‍ നിന്ന്‌ വിളിക്കുന്നു. അവതാരകയോട്‌ ഫോണില്‍ കൊഞ്ചുന്നു.

"തന്നെപ്പോലെ തന്നെ ഒരു കുട്ടി എന്റെ ഓഫീസിലും ഉണ്ടായിരുന്നു" എന്ന്‌ പഞ്ചാരിമേളത്തിന്‌ തുടക്കം കുറിക്കുന്നു.

പക്ഷേ അവതാരക തികഞ്ഞ പ്രൊഫഷണലിസം പുറത്തെടുക്കുന്നു. ഈ നമ്പര്‍ ഞാന്‍ കുറെ കേട്ടതാണെന്ന്‌ അവള്‍ തുറന്നടിക്കുന്നു. "ഇതേ ഛായയുള്ള ഒരു കുട്ടി എന്റെ ഓഫീസിലും ഉണ്ടായിരുന്നു. എനിക്കവളെ ഇഷ്ടമായിരുന്നു. അവളുടെ വിവാഹം കഴിഞ്ഞു, ഇപ്പോള്‍ നിന്നെ കാണുമ്പോള്‍ അതുപോലെ തോന്നുന്നു...എന്നിങ്ങനെ തുടര്‍ന്നുപോകാനല്ലേ പ്ലാന്‍" എന്ന്‌ അവള്‍ വെട്ടിത്തുറന്നങ്ങു ചോദിച്ചു.

ആ വെള്ളമങ്ങ്‌ വാങ്ങിവെച്ചേര്‌. വായിലൂറിയ വെള്ളം ഒറ്റയടിക്ക്‌ വാര്‍ന്നുപോവുന്ന ശബ്ദം ഐ എസ്‌ ഡിയായിരുന്നിട്ടും തെളിഞ്ഞുകേള്‍ക്കാം.

കടലിനക്കരെ നിന്നും ഇളിഞ്ഞ ചിരി.

തുടര്‍ന്ന്‌ വീട്ടിലാരൊക്കെയുണ്ട്‌ എന്ന പതിവ്‌ ചോദ്യം.

ചേട്ടന്റെ മകന്റെ പേരിടലാണ്‌ നാളെ എന്ന്‌ ഉത്തരം

ഇനിയങ്ങോട്ട്‌ പറഞ്ഞപടി

"എന്താ പേരിടുന്നത്‌?"

"തീരുമാനിച്ചിട്ടില്ല"

"ഒറ്റ പേരും തീരുമാനിച്ചില്ലേ ഇതുവരെ കഷ്ടം.. എന്താ ചേട്ടന്റെയും ഭാര്യയുടെയും പേര്‌"

"ചേട്ടന്‍ ബിജു, ചേച്ചി ഷീല"

അവതാരക അല്‍പനേരം ചിന്തിക്കുന്നു.

ബിഷി, ജുല, ബില...ഛേ ഒന്നും ശരിയാവുന്നില്ലല്ലോ.."ഞാന്‍ രണ്ടുപേരുടേയും പേരിലെ അക്ഷരങ്ങള്‍ ചേര്‍ത്തുനോക്കുകയായിരുന്നു, ശരിയാവുന്നില്ല. ആട്ടെ, ഇത്‌ ചേട്ടന്റെ ആദ്യത്തെ കുട്ടിയാണോ?"

"അതെ, ആദ്യത്തെയാ"

"എങ്കില്‍ ആദിത്യന്‍ എന്നിടൂ!"

---------------------------

ഇരുന്നിടം ഇടിഞ്ഞുതാണ്‌ ഭൂമി പിളര്‍ന്ന്‌ എന്നെയങ്ങ്‌ കൊണ്ടുപോവണേ ദൈവമേ എന്ന്‌ ഞാന്‍ ആത്മാര്‍ത്ഥമായി പ്രാര്‍ത്ഥിച്ചു.

"Television is a MEDIUM because anything well done is rare" എന്നാരോ പറഞ്ഞത്‌ എത്രയോ ശരി!

വിജയന്‍ മാഷിന്റെ മരണം ലൈവ്‌!!

2007-10-03T14:56:00.000+05:30

വാര്‍ത്തകള്‍ ശരിയാണെങ്കില്‍ ഇതെഴുതുന്നതിന്‌ രണ്ടര മണിക്കൂര്‍ മുമ്പെങ്കിലും എം എന്‍ വിജയന്‍ മാഷ്‌ മരിച്ചുകഴിഞ്ഞു. പക്ഷേ, നമ്മുടെ ചാനലുകളില്‍ അദ്ദേഹം വീണുമരിച്ചുകൊണ്ടേയിരിക്കുകയാണ്‌, ഇപ്പോഴും.

മരണം ലൈവ്‌ ആയി കാണിക്കാന്‍ കിട്ടിയ സുവര്‍ണാവസരം! മരണത്തിലേക്കുള്ള ആ വീഴ്‌ച പുതിയ ലൈവ്‌ ന്യൂസ്‌ സംസ്‌കാരം ആഘോഷിക്കുന്ന മാധ്യമങ്ങള്‍ക്ക്‌ അക്ഷരാര്‍ത്ഥത്തില്‍ വീണുകിട്ടിയ അവസരമായി. ഔചിത്യലേശമില്ലാതെ അതവര്‍ ഇപ്പോഴും ടെലികാസ്‌റ്റ്‌ ചെയ്‌തുകൊണ്ടേയിരിക്കുന്നു. ലൈവ്‌ ക്യാമറകള്‍ക്കുമുന്നില്‍ മരിക്കാനുള്ള ദുര്യോഗം എം എന്‍ വിജയനുണ്ടായി എന്നതാണ്‌ യഥാര്‍ത്ഥ ദുരന്തം എന്ന്‌ തോന്നിപ്പോവുന്നു. ഒരു സുഹൃത്ത്‌ പറഞ്ഞതുപോലെ പുതിയ ടെലിവിഷന്‍ സംസ്‌കാരത്തെ എന്നും വിമര്‍ശിച്ചുപോന്ന വിജയന്മാഷിന്‌ വിധിച്ചത്‌ ഒരു ലൈവ്‌ മരണം!!

സദ്ദാം ഹുസൈന്റെ മരണം ലൈവ്‌ കാണിച്ചതാണ്‌ ഓര്‍മ്മയിലെത്തുന്ന മറ്റൊരു ലൈവ്‌ മരണക്കാഴ്‌ച. ആ കൊലപാതകത്തിന്‌ ഒരു രാഷ്ട്രീയ പ്രാധാന്യം ഉണ്ടായിരുന്നു എന്നെങ്കിലും പറയാം. അതായിരുന്നിരിക്കണം അതിന്റെ ന്യൂസ്‌ വാല്യു. അത്‌ ലോകം മുഴുവന്‍ പ്രക്ഷേപണം ചെയ്‌തതിന്റെ രാഷ്ട്രീയം മറ്റൊന്നാണെന്ന്‌ കുറെപ്പേരെങ്കിലും തിരിച്ചറിഞ്ഞിരുന്നു. വധശിക്ഷയ്‌ക്ക്‌ പ്രേരിപ്പിക്കുകയും അത്‌ ഇറാഖിലെ ഇസ്ലാമിക ഗവണ്‍മെന്റിനെക്കൊണ്ടുതന്നെ ചെയ്യിക്കുകയും ഒക്കെ ചെയ്‌തതിനുപിന്നിലെ സൂക്ഷ്‌മമായ രാഷ്ട്രീയ ലക്ഷ്യങ്ങള്‍ അമേരിക്കന്‍ സാമ്രാജ്യത്വത്തിന്റെ വിദൂരവേധിയായ ചില സന്ദേശങ്ങള്‍ നല്‍കുക എന്നതുതന്നെയായിരുന്നു. ഇസ്ലാമിനെ പ്രാകൃതവല്‍കരിച്ച്‌ ചിത്രീകരിക്കുക എന്ന ലക്ഷ്യം സ്വന്തം കൈ നനയാതെ സൂക്ഷ്‌മതയോടെ അമേരിക്കന്‍ ബുദ്ധി ചെയ്യിക്കുകയായിരുന്നു.

എന്നാല്‍ വിജയന്‍ മാഷ്‌ കുഴഞ്ഞുവീണു മരിക്കുന്നത്‌ വീണ്ടും വീണ്ടും അടിച്ചേല്‍പ്പിക്കുന്നതില്‍ എന്താണ്‌ ന്യൂസ്‌ വാല്യു, ഒരു മരണത്തിന്റെ വിഷ്വലുകള്‍ ലൈവായിക്കിട്ടിയതിന്റെ പുകിലല്ലാതെ. ദൃശ്യമാധ്യമങ്ങള്‍ക്ക്‌ വാര്‍ത്തകള്‍ക്ക്‌ ഇടയില്‍ വീണുകിട്ടുന്ന ഇത്തരം spectacles ആഘോഷിക്കാതെ തരമില്ലല്ലോ, ഞാന്‍ കൊടുത്തില്ലെങ്കില്‍ മറ്റവന്‍ കൊടുത്താലോ... (ഛേ, നേരത്തെ പറഞ്ഞിരുന്നെങ്കില്‍ OB വാന്‍ വരുത്താമായിരുന്നു! )

ഇവരുടെ ന്യൂസ്‌ ഡെസ്‌കിലിരിക്കുന്ന മൂത്താപ്പമാര്‍ എന്താണ്‌ ചെയ്‌തുകൊണ്ടിരിക്കുന്നത്‌?

ഈയിടെ തൃശ്ശൂരില്‍ ചേറ്റുവയ്‌ക്കടുത്ത്‌ ഉത്സവത്തിനെത്തിയ ആന പാപ്പാനെ ചവിട്ടിയും കുത്തിയും കൊന്നു. ലോക്കല്‍ ടെലിവിഷന്‍ ചാനലുകാര്‍ ഉത്സവം ലൈവ്‌ ചിത്രീകരിക്കുന്നുണ്ടായിരുന്നു. ആനയുടെ പരാക്രമങ്ങള്‍ ലൈവ്‌ ആയി. പാപ്പാനെ കുത്തിക്കൊല്ലുന്നതിന്റെ എക്‌സ്‌ക്ലൂസീവ്‌ രംഗങ്ങള്‍ അന്ന്‌ രാത്രി പ്രത്യേക ഷോ ഉണ്ടായിരുന്നു. പോരാത്തതിന്‌ അതിന്റെ സി ഡി. ഒന്നിന്‌ ഇരുന്നൂറ്‌ രൂപ വീതം വിലയിട്ട്‌ വില്‍ക്കുകയും ചെയ്‌തു.

വിജയന്‍ മാഷിന്റെ മരണദൃശ്യങ്ങള്‍ക്ക്‌ ആ ഗതി ഉണ്ടാകാതിരിക്കട്ടെ എന്ന്‌ ആത്മാര്‍ത്ഥമായി പ്രാര്‍ത്ഥിക്കുന്നു.

... ആ വാക്കുകളുടെ ഓര്‍മ്മയില്‍.

HIJADA FEST: DAY 'n' NIGHT photographs by AJILAL part III

2007-09-27T14:03:00.000+05:30

a day of celebrations, of proclamation of self, of life...

The hijra community is deprived of several rights under civil law because Indian law recognises only two sexes. This means that hijras do not have the right to vote, marry and own a ration card, a passport or a driving licence, or claim employment and health benefits.

“Hijras trace their origins to myths in the Ramayana and the Mahabharata. Rama, while leaving for the forest upon being banished from the kingdom for 14 years, turns around to his followers and asks all the `men and women' to return to the city. Among his followers the hijras alone do not feel bound by this direction and decide to stay with him. Impressed with their devotion, Rama sanctions them the power to confer blessings on people on auspicious occasions like childbirth and marriage, and also at inaugural functions. This set the stage for the custom of badhai in which hijras sing, dance and confer blessings.”(frontline wrote)

The situation is no different in the present state of things. The Rulers and the society are still unaware of the very existence of these transgender communities with in the citizenry. Even the high-sounding discourses on Human rights often overlook these Humans because they are occupied with the larger issues of MEN and WOMEN.
But they are no longer the deprived community of the voiceless. They have started showing their signs of awakening. They have started to realize their life and their right to live, and to live decently. Their fight is yet to be visible though.

FESTIVAL NIGHT

photographs by : VC AJILAL

ajilal@gmail.com

click on the fotos to view bigger n better: pls let us know ur comments:

Hijada festival Photo exhibition part 2

2007-09-24T12:02:00.000+05:30

"For hijras, it is the most important event of the calendar year, a time when they are reunited with friends, a place where they are given a platform from which they can be seen, heard and applauded, where they get to embody all the things they want to be: woman, bride, Goddess. "
Tishani Doshi

Koovagam Preparing for the festival

the festival day

"I spent a night on the roof of the Koothandavar temple and watched as an otherwise dormant village transformed itself in a brilliant display of colour, vitality and spirit. Koovakam has come to mean many things to many people" Tishani Doshi

PHOTOGRAPHS BY V C AJILAL

ajilal@gmail.com

HIJADA FESTIVAL Koovagam- Ajilal's photo exhibition Part I

2007-09-21T12:35:00.000+05:30

koovagam village. A day before the annual Hijada Festival

The village of Koovagam is next to Ulundurpet taluk in Villupuram district. The Koothandavar temple is situated in this village. This is the only temple for eunuchs, and their family deity is the Koothandavar.

The pictures show the village the day before the grand festival. soon the village will see the surge of men and women and wives of god taking control of this calm village atmosphere.

Every year during the Chaithra Festival, Eunachs from different corners of India assemble here to celebrate themselves. at the climax of the festival they submit themselves as the wives of the God as their only way of salvation from the all the bitter experiences of ill treatment from the society at large.

These pictures are taken by V C Ajilal, award winning Photographer presently stationed at Calicut, Keralam. Now he is working as news photographer with Varthamanam daily. A BFA holder in Painting, Ajilal has travelled extensively in India.

this is the first part of a series of Koovagam photographs by Ajilal. Do drop in again to see the rarest pictures from the festival ground in the coming days.

for those who came late, here are Ajilal's previous photo exhibitions in eenthappana.

Mysore Dasara festival

and

The fire in MittayiTheru,Calicut

cheers!

ajilal's contact details:

ajilal@gmail.com

mob:9847103551

ചികുന്‍ ഗുനിയ പ്രവചിക്കപ്പെട്ടിരുന്നു, സുനാമിയും!!

2007-09-15T14:12:00.000+05:30

ചികുന്‍ ഗുനിയയും സുനാമിയും സ്വാമി ഹിമവല്‍ മഹേശ്വര ഭദ്രാനന്ദജി നേരത്തെ പ്രവചിച്ചിരുന്നു!! പക്ഷേ പതിവുപോലെ സര്‍ക്കാരിന്റെ കടുത്ത അനാസ്ഥമൂലം നൂറുകണക്കിനാളുകള്‍ക്ക്‌ ജീവനാശം സംഭവിച്ചു. ഇനിയെങ്കിലും സര്‍ക്കാരിന്‌ നല്ല ബുദ്ധി തോന്നിയെങ്കില്‍!!

ഇത്‌ കൊച്ചിയിലുടനീളം പ്രത്യക്ഷപ്പെട്ട ഒരു പോസ്റ്ററാണ്‌. പ്രവാചകന്‌ പ്രണാമം എന്ന തലക്കെട്ടോടെ ഇതേ പോസ്റ്ററിന്റെ വലിയ ഫ്‌ളെക്‌സ്‌ ബോര്‍ഡുകളിലും നിറയെ ഉണ്ട്‌. ഗണേശോത്സവത്തിന്‌ ക്ഷണിച്ചുകൊണ്ടുള്ള പോസ്റ്ററിന്റെ താഴെയാണ്‌ ഞെട്ടിക്കുന്ന സത്യം വെളിപ്പെടുത്തിയിരിക്കുന്നത്‌. സുനാമിയും ചികുന്‍ ഗുനിയയയും അടക്കം 55 പ്രവചനങ്ങള്‍ ഈ പ്രവാചകന്‍ നടത്തിയിട്ടുണ്ട്‌. സര്‍ക്കാരും പൊതുജനങ്ങളും ഇത്ര നാളായിട്ടും ഈ പ്രവചനങ്ങളൊന്നും തന്നെ അറിയാതിരുന്നത്‌ വലിയ മാനുഷിക ദുരന്തത്തിനാണ്‌ ഇടയാക്കിയിരിക്കുന്നത്‌. അതുകൊണ്ട്‌ ഇനിയെങ്കിലും പൊതുജനശ്രദ്ധ ഇതിലേക്ക്‌ പതിയാനാണ്‌ ഹിമവല്‍ പ്രവാചകന്‍ കാശുമുടക്കി മള്‍ട്ടികളര്‍ പോസ്റ്ററുകള്‍ ഇറക്കിയി അവതാരവിവരം വെളിപ്പെടുത്തിയിരിക്കുന്നത്‌.

ചികുന്‍ ഗുനിയ പ്രവചിച്ച സ്വാമിജിക്ക്‌ അതിന്റെ മരുന്നും നിശ്ചയം കാണും. ശ്രീമതി. ശ്രീമതിടീച്ചര്‍ ഇനിയെങ്കിലും ഇദ്ദേഹത്തിന്‌ ചെവികൊടുക്കേണ്ടതാണ്‌.
വേഗം നടപടിയെടുത്തില്ലെങ്കില്‍ ഒരു പക്ഷേ സുനാമി ഭീതി നിരന്തരം അനുഭവിക്കുന്ന സുമാത്രാ ദ്വീപുകാരോ ഇന്‍ഡോനേഷ്യന്‍ സര്‍ക്കാരോ ഇദ്ദേഹത്തെ പൊക്കിക്കൊണ്ടുപോവാന്‍ സാധ്യതയുണ്ട്‌. അവിടെ സുനാമി മുന്‍കൂട്ടി പ്രവചിക്കാന്‍ വര്‍ഷം തോറും കോടിക്കണക്കിന്‌ രൂപയാണ്‌ ഒരു പ്രയോജനവുമില്ലാത്ത ഉപകരണങ്ങള്‍ക്കും സംവിധാനങ്ങള്‍ക്കും വേണ്ടി ചെലവിടുന്നത്‌.
സ്വാമിജി അങ്ങോട്ട്‌ പോയാല്‍ ബി എം ഡബ്ല്യു ഫാക്‌ടറി നഷ്‌ടപ്പെട്ടതിനേക്കാള്‍ വലിയ ദുരന്തമായിരിക്കും കേരളത്തിന്‌ സംഭവിക്കാന്‍ പോകുന്നത്‌.
മറ്റൊന്നുകൂടി. അടിയന്തരമായി സ്വാമി ഹിമവല്‍ അദ്ദ്യേത്തിനെ ഡിസാസ്റ്റര്‍ മാനേജ്‌മെന്റ്‌ കമ്മിറ്റിയിലേക്ക്‌ നോമിനേറ്റ്‌ ചെയ്യണം. വരാനിരിക്കുന്നത്‌ വഴിയില്‍ തടഞ്ഞുനിര്‍ത്താന്‍ കഴിഞ്ഞേക്കും...
ആരെങ്കിലും കേള്‍ക്കുന്നുണ്ടോ, അവിടെ?
ഇതൊക്കെ കേള്‍ക്കാന്‍ ആര്‍ക്കാണ്‌ നേരം അല്ലേ, കലികാലം!! ശിവ ശിവ!!

എസ്‌ യു സി ഐ ക്കാരോട്‌: വെറുതെ ബക്കറ്റ്‌ പിരിവും പോസ്‌റ്ററൊട്ടിപ്പുമായി നടന്നാല്‍ വിപ്ലവം പോയിട്ട്‌ ഒരു സുനാമി പോലും ഈ വഴിക്ക്‌ വരില്ല. സംശയമുണ്ടെങ്കില്‍ സ്വാമിയോട്‌ ചോദിച്ചുനോക്ക്‌. വിപ്ലവം എന്ന്‌ ഇന്ത്യന്‍ തീരത്തടുക്കുമെന്ന്‌ നാളും തിയ്യതിയും സഹിതം ഹിമവല്‍ പാദാംബുജങ്ങളില്‍ കമിഴ്‌ന്നുകിടന്ന്‌ ചോദിച്ചാല്‍ പറഞ്ഞുതരും. അന്ന്‌ കൃത്യസമയത്ത്‌ കുളിച്ച്‌ നല്ല ഉടുപ്പുമിട്ട്‌ വിപ്ലവം വരുന്ന വഴിയിലിറങ്ങി നിന്നാല്‍ മതി. വെറുതെയെന്തിനാ അതുവരെ വെയിലും മഴയും കൊണ്ട്‌ ചര്‍മ്മഭംഗി കളയുന്നത്‌?

സി പി എം മാതൃഭൂമി പ്രചരിപ്പിക്കുന്ന വിധം

2007-09-13T17:19:00.000+05:30

സഖാവ്‌ സാന്റിയാഗോ മാര്‍ട്ടിന്‍, ഫാരിസ്‌ അബൂബക്കര്‍ സഖാവ്‌ തുടങ്ങിയവര്‍ക്ക്‌ സി പി എമ്മുമായി രഹസ്യബന്ധമുണ്ടെന്ന്‌ വാര്‍ത്ത പുറത്തുവിട്ട്‌ പാര്‍ട്ടി പ്രതിച്ഛായയ്‌ക്ക്‌ തന്നെ കളങ്കം വരുത്തിയ മാതൃഭൂമി പത്രത്തിന്‌ പ്രചാരം കൂട്ടുന്നതില്‍ സി പി എം വഹിക്കുന്ന സത്‌ുത്യര്‍ഹമായ പങ്കിനെപ്പറ്റി.

പാര്‍ട്ടിക്ക്‌ രണ്ടുകോടി ലോട്ടറി രാജാവ്‌ കൊടുത്തു എന്ന വാര്‍ത്ത ആദ്യപേജില്‍ നിരത്തുമ്പോള്‍ മാതൃഭൂമി ഒരിക്കലും പ്രതീക്ഷിച്ചിട്ടുണ്ടാവില്ല, ആ വാര്‍ത്തയും തുടര്‍ന്നുണ്ടാവുന്ന സംഭവങ്ങളും പത്രത്തിന്റെ സര്‍ക്കുലേഷന്‍ കുത്തനെ കൂട്ടുമെന്ന്‌.
തുടര്‍ച്ചയായി സി പി എം വിരുദ്ധ വാര്‍ത്തകള്‍ നല്‍കുക വഴി നിവൃത്തിയില്ലാതെ പാര്‍ട്ടിക്ക്‌ മാതൃഭൂമി എഡിറ്റര്‍ക്കെതിരെ വാമൊഴിവഴക്കത്തിന്റെ സൗന്ദര്യം പോലും വെളിപ്പെടുത്തേണ്ടി വന്നുവെന്നത്‌ സമകാലീന ചരിത്രം. വീരേന്ദ്രകുമാറിനെതിരെ ആരോപണങ്ങള്‍ കൊണ്ടൊരു പ്രത്യാക്രമണവും നടത്തിനോക്കി. വീരേന്ദ്രകുമാറിന്റെ സഹോദരിയെ പത്രവധം നടത്തി പത്രപ്രവര്‍ത്തന ചരിത്രത്തില്‍ ചുവന്ന അധ്യായം തന്നെ രചിച്ചു. ഒടുവില്‍ പ്രകാശ്‌ കാരാട്ട്‌ നേരിട്ട്‌ വന്ന്‌ മാപ്പപേക്ഷ നടത്തി പ്രശ്‌നം ഒത്തുതീര്‍ത്തുവെന്നതും ചരിത്രം.
എന്നാല്‍ ഇതിനെല്ലാം പുറമെ മാതൃഭൂമിയെ കണ്ണൂരില്‍ നിന്നും തുരത്താന്‍ തന്നെ കേഡര്‍ പാര്‍ട്ടി തീരുമാനിച്ചു. പാര്‍ട്ടി മെമ്പര്‍മാര്‍ മാതൃഭൂമി നിര്‍ത്തണം എന്നായിരുന്നു പ്രഖ്യാപിതവും അപ്രഖ്യാപിതവുമായ പാര്‍ട്ടി നിര്‍ദ്ദേശം. അതുകൊണ്ട്‌ പാര്‍ട്ടിയിലെ പല മെമ്പര്‍മാര്‍ക്കും സത്യം അറിയാന്‍ ദേശാഭിമാനിയും കൈരളിയും മാത്രം ആശ്രയിക്കേണ്ട ഗതികേട്‌ ഉണ്ടായി.
അടുത്ത ഘട്ടം പാര്‍ട്ടി നിയന്ത്രണത്തിലുള്ള സ്ഥാപനങ്ങളിലും പ്രത്യേകിച്ച്‌ ഗ്രന്ഥശാലകളിലും മാതൃഭൂമിയ്‌ക്ക്‌ വിലക്ക്‌ കല്‍പിക്കുകയായിരുന്നു. പല ഗ്രന്ഥശാലകളിലും മാതൃഭൂമി ലഭിക്കാതായി.
സ്വാഭാവികമായും ദേശാഭിമാനിയോ മലയാള മനോരമയോ കാക്കത്തൊള്ളായിരം പത്രങ്ങളില്‍ ഏതെങ്‌്‌കിലുമോ കൂടുതല്‍ വില്‍ക്കേണ്ടതാണ്‌. എന്നാല്‍ സംഭവിച്ചത്‌ മറ്റൊന്നാണ്‌. മാതൃഭൂമിയുടെ സര്‍ക്കുലേഷന്‍ കണ്ണൂരില്‍ വര്‍ദ്ധിച്ചു.
‌സി പി എമ്മിന്റെ സ്വന്തം തട്ടകത്തില്‍ ഇങ്ങനെ സംഭവിച്ചതിന്റെ ഗുട്ടന്‍സ്‌ സിംപിളാണ്‌. (സാന്റിയാഗോ, ഫാരിസ്‌ വിഷയങ്ങളില്‍ മാതൃഭൂമി പുറത്തുവിട്ട വാര്‍ത്ത സത്യമായിരുന്നുവെന്ന്‌ പാര്‍ട്ടിക്ക്‌ സമ്മതിക്കേണ്ടി വന്നതിനു ശേഷം മാതൃഭൂമിയുടെ വിശ്വാസ്യത വര്‍ദ്ധിച്ചത്‌ മാത്രമല്ല ഇതിന്‌ കാരണം.) വായനശാലയിലും സ്ഥാപനങ്ങളിലും ഒന്നിലധികം ആളുകള്‍ കൈമാറി വായിച്ചിരുന്ന പത്രം ഒരു ചുവന്ന പ്രഭാതത്തില്‍ വരവ്‌ നിലയ്‌ക്കുന്നു. മാതൃഭൂമി ശീലമാക്കിയവര്‍ ഒരു ചായക്ക്‌ വെച്ച കാശ്‌ പത്രത്തിനായി ചെലവാക്കാന്‍ തീരുമാനിക്കുന്നു. ഒരു വായനശാലയിലെ സ്ഥിരം വായനക്കാരായ നൂറില്‍ പത്തുപേര്‍ ഇങ്ങനെ തീരുമാനിച്ചാല്‍ മാത്രം പത്രം ഒന്‍പത്‌ കോപ്പി അധികം വിറ്റുപോവില്ലേ.
പാര്‍ട്ടി സഖാക്കള്‍ക്ക്‌ പാര്‍ട്ടി ക്ലാസ്സില്‍ കമ്യൂണിസത്തിനൊപ്പം അല്‍പം കണക്കും കോമണ്‍സെന്‍സും പറഞ്ഞുകൊടുത്താല്‍ നന്നായിരുന്നു. ലാല്‍ സലാം.

സംശയദൃഷ്ടി: സ്വന്തമായി പത്രം, ദേശാഭിമാനി വാരിക, ചിന്ത, ദൃശ്യമാധ്യമരംഗത്ത്‌ വിപ്ലവം മുഴക്കിക്കൊണ്ടിരിക്കുന്ന മൂന്ന്‌ കൈരളി ചാനലുകള്‍. വര്‍ഗ്ഗ ബഹുജനസംഘടനകള്‍ക്കെല്ലാം മാസികകളും വാരികകളും. ഇത്രയൊക്കെ ഉണ്ടായിട്ടും ചില ഡൂക്കിലി മാധ്യമപ്രവര്‍ത്തകര്‍ സിന്‍ഡിക്കേറ്റുണ്ടാക്കി തകര്‍ക്കാന്‍ നോക്കുന്നതല്ലേ വിവരക്കേട്‌! പാര്‍ട്ടിയെക്കുറിച്ച്‌ ഒരു ചുക്കും അറിയാത്ത ഈ സിന്‍ഡിക്കേറ്റഡ്‌-എംബെഡഡ്‌ പത്രപ്രവര്‍ത്തകരെക്കുറിച്ച്‌ പിണറായി സഖാവ്‌ എന്തിനാണ്‌ ഇത്രയധികം വേവലാതിപ്പെടുന്നത്‌ എന്ന്‌ എനിക്കിതുവരെ മനസ്സിലായിട്ടില്ല.

ആ... അതൊക്കെപ്പോട്ടെ., ഒരു പരിപ്പുവടയുണ്ടോ സഖാവേ, ഒരു കട്ടന്‍ചായ കുടിക്കാന്‍?

ആനയൂട്ട്‌, അവസാനത്തെ ഊട്ട്‌!!

2007-09-10T14:28:00.000+05:30

അ, അമ്മ, ആ... ആന. ഇങ്ങനെയാണ്‌ അക്ഷരമാല മനസ്സിലുറച്ചുതുടങ്ങിയത്‌. അക്ഷരത്തോടൊപ്പം ആനയും ഉള്ളിലുറച്ചു. ഇതെന്റെ മാത്രം അനുഭവം അല്ല. ശരാശരി മലയാളിയുടെ കമ്പങ്ങളില്‍ ആന കടന്നുകൂടിയിട്ടുണ്ടെന്നതിന്‌ ഏറ്റവും വലിയ തെളിവ്‌ കൈരളിയിലെ ഇ-ഫോര്‍-എലിഫെന്റ്‌ എന്ന പരിപാടിയുടെ ജനപ്രിയത തന്നെ.

ആനപ്രേമം കലശലല്ലെങ്കിലും ആനയെക്കണ്ടാല്‍ ഒന്നുനോക്കി നിന്നുപോവും। ആന എന്നു രണ്ടക്ഷരം എഴുതിക്കണ്ടാല്‍ വായിച്ചുപോവും। വീട്ടിലേക്കുള്ള യാത്രകളില്‍ വഴിയില്‍ സാജ്‌ ടിമ്പേഴ്‌സ്‌ എന്ന മരമില്ല്‌ ഉണ്ട്‌। ബസില്‍ പോവുമ്പോള്‍ സാജിലേക്ക്‌ കണ്ണ്‌ അറിയാതെ ചെല്ലും। അവിടെ അവന്‍ നില്‍പുണ്ടാവും. സാജ്‌ ടിമ്പേഴ്‌സിന്റെ പ്രസാദ്‌ എന്ന ആന. പാവത്താന്‍. (എല്ലാ ആനകളും പാവത്താന്‍മാര്‍ തന്നെ.) വളരെ ശാന്തനും ഇണക്കവും ഉള്ളവനായിരുന്നു അവന്‍. ഇനി ഭൂതകാലത്തില്‍ വേണം പറയാന്‍. പശുവിനെ മേയാന്‍ വിടുന്നതുപോലെ അവനെ വെറുതെ അഴിച്ചുവിടാം. അത്രയും നിരുപദ്രവകാരി എന്നാണ്‌ അവന്റെ ഇമേജ്‌. അടുത്തുള്ള കുട്ടികളോടൊക്കെ അവന്‌ വലിയ കൂട്ടായിരുന്നു. ഈയടുത്ത്‌ വീട്ടില്‍ ചെന്നപ്പോള്‍ അടുത്തുള്ള ചങ്ങാതി പറഞ്ഞു, "എടാ സാജ്‌ ടിമ്പേഴ്‌സിന്റെ .... ചെരിഞ്ഞതറിഞ്ഞില്ലേ" പത്രത്തിലൊക്കെ വലിയ വാര്‍ത്തയായെങ്കിലും ഞാനത്‌ അറിഞ്ഞിരുന്നില്ല "എന്താ പറ്റിയത്‌്‌..."എരണ്ടക്കെട്ടാണെന്നാ കേട്ടത്‌.. പ്രാക്ക്‌..."ഉള്ളില്‍ വലിയ വിഷമം തോന്നി പിന്നീട്‌ അന്വേഷിച്ചപ്പോള്‍ അറിഞ്ഞു, ഒരു ആനയൂട്ടിന്റെ കൊലച്ചോറാണ്‌ അവന്റെ അന്ത്യത്തിന്‌ കാരണമെന്ന്‌.. കേരളത്തില്‍ പടര്‍ന്നുപിടിച്ച ആനപ്രേമത്തിന്റെയും അനുബന്ധ ബിസിനസ്സുകളുടെയും ഇരയായിരുന്നു പ്രസാദും. ആനയൂട്ട്‌ എന്ന ചടങ്ങ്‌ വലിയ ആഘോഷത്തോടെ, അമ്പലത്തിന്റെയും അമ്പലക്കമ്മിറ്റിക്കാരുടെ ആഢ്യത്വത്തിന്റെയും പ്രദര്‍ശന വേളയായിത്തീരുമ്പോഴാണ്‌ ഈ ദുരന്തം സംഭവിക്കുന്നത്‌. ആന സ്‌നേഹം കൂടുമ്പോള്‍ അതിന്‌ ദഹിക്കാത്ത അവിലും ശര്‍ക്കരയും മലരും പഴവും ഒക്കെ കൂട്ടിക്കുഴച്ച്‌ കൊടുക്കുന്നു. ഓരോ ഭക്തനും ഇഷ്ടം പോലെ. ആനയെ തൊടാനും ഊട്ടാനും ഉള്ള ആവേശത്തില്‍ തോട്ടിമുനയുടെ ഭീഷണിയില്‍ നിന്ന്‌ പാവം മിണ്ടാപ്രാണികള്‍ അതെല്ലാം അകത്താക്കുന്നു. അകത്തെത്തുന്ന ഈ അവില്‍-മലര്‍-ശര്‍ക്കര മിശ്രിതം കോണ്‍ക്രീറ്റിന്റെ ബലത്തോടെ ആനയുടെ കുടലില്‍ കെട്ടിക്കിടന്ന്‌ മരണകാരണമാവുന്നു. സാജിന്റെ ആനയുടെ കുടലില്‍ നിന്ന്‌ ദഹിക്കാത്ത ഈ കോണ്‍ക്രീറ്റ്‌ മിശ്രിതം ഒന്നര അടി നീളത്തില്‍ പോസ്‌റ്റ്‌മോര്‍ട്ടെം ചെയ്‌തപ്പോള്‍ കിട്ടിയത്രെ. ആനയൂട്ട്‌ വേളകളിലെ പ്രധാന ആകര്‍ഷണം കുഞ്ഞാനകളാണ്‌. ഓരോ ആനയൂട്ട്‌ സീസണും അതിജീവിക്കുന്ന കുഞ്ഞാനകളുടെ എണ്ണം കുറവാണെന്ന്‌ ഈ മേഖലയില്‍ പ്രവര്‍ത്തിക്കുന്ന വിദഗ്‌ദര്‍ പറയുന്നു. ഈ അവില്‍-മലര്‍-കോണ്‍ക്രീറ്റ്‌ മിശ്രിതം കൊന്നൊടുക്കിയ നാട്ടാനകളുടെ എണ്ണം ചെറുതല്ല. ആനയൂട്ട്‌ തികച്ചും അശാസ്‌ത്രീയമായ കൊലച്ചോറാണ്‌ എന്ന്‌ മൃഗസ്‌നേഹികള്‍ പറയാന്‍ തുടങ്ങിയിട്ട്‌ കാലം കുറച്ചായി. എന്നിട്ടും ഈ ഒടുക്കത്തെ ഊട്ട്‌ കൂടുതല്‍ ജനകീയമാവുന്നുവെന്നതാണ്‌ ഏറെ ഖേദകരം.

ലൈംഗിക അരാജകത്വം: വനിതയുടെ ആകുലതകള്‍

2007-09-07T15:27:00.000+05:30

മലയാളി വിദ്യാര്‍ത്ഥികളുടെ "ലൈംഗിക അരാജകത്വ"വും
'വനിത'യുടെ സദാചാര ആകുലതകളും
#
ഈയിടെ വനിതയില്‍ "സ്‌തോഭജനകമായ" ഒരു ഫീച്ചര്‍ വായിച്ചു। ഇരുത്തി വായിപ്പിക്കുന്ന മനോരമ ശൈലിയില്‍ "നിങ്ങളുടെ മക്കള്‍ക്ക്‌ ഇത്‌ സംഭവിക്കാതിരിക്കട്ടെ" എന്ന തലക്കെട്ടോടെ. കേരളത്തിന്‌ പുറത്തേക്ക്‌ ഉന്നതപഠനത്തിന്‌ പോകുന്ന വിദ്യാര്‍ത്ഥികളില്‍ ലൈംഗിക അരാജകത്വം കൂടുന്നുണ്ടോ എന്നതായിരുന്നു വനിത നടത്തിയ അന്വേഷണം।
കേരളത്തിന്‌ പുറത്ത്‌ പഠിക്കാന്‍ പോകുന്ന കുട്ടികള്‍ക്കിടയില്‍ കോള്‍ഗേള്‍-ജിഗോള (?) സംസ്‌കാരം പെരുകുന്നു എന്നാണ്‌ വനിതയുടെ കണ്ടെത്തല്‍. ശരാശരി മലയാളി മാതാപിതാക്കളുടെ തലയില്‍ തീകോരിയിട്ടുകൊണ്ടാണ്‌ ഫീച്ചര്‍ മുന്നോട്ട്‌ പോകുന്നത്‌- കണ്ണാല്‍ കണ്ട പടിയുള്ള റിപ്പോര്‍ട്ടിങ്‌ ശൈലിയും അനാവശ്യമായ ആകുലതകള്‍ ഉയര്‍ത്തിവിടുന്ന സംഭവവിവരണങ്ങളും പതിവ്‌ വനിത-വീക്ക്‌ തെളിവുകളുമൊക്കെയാണ്‌ "അന്വേഷണ"ത്തിന്‌ ആധാരം. ഇതുമായി ബന്ധപ്പെട്ട്‌ എന്തെങ്കിലും പഠനം നടന്നിട്ടുണ്ടോ, അതിന്റെ വിവരങ്ങള്‍ എന്തൊക്കെ, എത്ര വിദ്യാര്‍ത്ഥികളെ നേരില്‍ കണ്ട്‌ തെളിവെടുത്തു? എത്ര പേരുടെ സര്‍വ്വേ നടത്തി. ഏതെല്ലാം രേഖകളെയാണ്‌ ആശ്രയിച്ചത്‌.. തുടങ്ങി ഒരു അന്വേഷണത്തിന്‌ വേണ്ട പ്രാഥമികവും അടിസ്ഥാനപരവുമായ വിവരങ്ങള്‍ വെളിപ്പെടുത്താനോ അതിന്റെ സൂചനകള്‍ നല്‍കാനോ ഫീച്ചറോ വനിതയോ തയ്യാറാവുന്നില്ല. ഒന്നോ രണ്ടോ സംഭവങ്ങള്‍ ചൂണ്ടിക്കാട്ടി ഒരു വലിയ സത്യം കണ്ടെത്തിയെന്ന്‌ വിളിച്ചുകൂവുകയാണ്‌ വനിത ചെയ്യുന്നത്‌. ഉത്തരവാദിത്വമുള്ള ഒരൊറ്റ മാധ്യമവും ചെയ്യാന്‍ പാടില്ലാത്ത കൃത്യം. നൂറ്റാണ്ട്‌ പഴക്കമുള്ള മനോരമയുടെ ഈ വനിതാ പ്രസിദ്ധീകരണം ഇങ്ങനെയൊരു ഫീച്ചറുമായി ഇപ്പോള്‍ ഇറങ്ങിപ്പുറപ്പെട്ടിരിക്കുന്നതിന്‌ പിന്നില്‍ ഉന്നതവിദ്യാഭ്യാസത്തിന്‌ പുറത്ത്‌ പോവുന്ന വിദ്യാര്‍ത്ഥി-നി-കളുടെ വഴിതെറ്റിയുള്ള പോക്കിലുള്ള ആശങ്കയല്ല മറ്റുചില മുന്‍തൂക്കങ്ങളാണെന്ന്‌ ന്യായമായും സംശയം ഉണ്ടാവുന്നു.
വനിതയുടെ പ്രധാന കണ്ടെത്തലുകള്‍ ഇതാണ്‌। 1। ഉന്നത വിദ്യാഭ്യാസത്തിനായി പുറത്ത്‌ -ബാംഗ്ലൂര്‍ ആണ്‌ പ്രധാന കേന്ദ്രം- പോവുന്ന മലയാളി വിദ്യാര്‍ത്ഥി-നി-കള്‍ ലൈംഗിക അരാജകത്വം ശീലിക്കുന്നു.
2। സ്റ്റഡി ടൂര്‍ എന്ന പേരില്‍ സെക്‌സ്‌ ടൂര്‍ നടത്തുന്നു 3। ബാംഗ്ലൂരിലേക്ക്‌ പോവുന്ന ബസുകളില്‍ ലൈംഗിക കേളികളാണ്‌ കുട്ടികള്‍ നടത്തുന്നത്‌। 4. ഇത്തരം ബസുകളില്‍ ഈ വിദ്യാര്‍ത്ഥികള്‍ക്കായി കിടപ്പറ പോലും വാടകയ്‌ക്ക്‌ കിട്ടും.
ദയവായി വനിത ഫീച്ചര്‍ വായിക്കുക.
കയ്യിലുള്ള ചില കണക്കുകള്‍ വെച്ച്‌ വനിത ചില കളികള്‍ കളിക്കുന്നുണ്ട്‌। വന്‍കിട സെക്‌സ്‌ ബിസിനസ്‌ കേരളത്തിലെ വിദ്യാര്‍ത്ഥികളെ ലക്ഷ്യമിടുന്നുവെന്ന്‌ പറഞ്ഞിട്ട്‌ നമുക്ക്‌ നല്‍കുന്നത്‌ ഇന്ത്യയിലെ സെക്‌സ്‌ ടൂറിസം വ്യവസായത്തിന്റെ ലാഭക്കണക്കാണ്‌। നാല്‍പതിനായിരം കോടി രൂപയുടെ(?) സെക്‌സ്‌ ടൂറിസം ബിസിനസാണ്‌ ഇന്ത്യയില്‍ നടക്കുന്നത്‌। എന്ന്‌ പറയുന്നതിനൊപ്പം കേരളത്തില്‍ നിന്നും പുറത്തേക്ക്‌ പഠിക്കാന്‍ പോവുന്ന വിദ്യാര്‍ത്ഥികളെക്കാത്ത്‌ ഈ വന്‍ വ്യവസായം കാത്തിരിക്കുന്നു എന്ന്‌ സൂചിപ്പിക്കുകയും ചെയ്യുന്നു। പോരെ പൂരം।കേരളത്തിന്‌ പുറത്തേക്ക്‌ പോകുന്ന വിദ്യാര്‍ത്ഥികളില്‍ ലൈംഗിക അരാജകത്വം വര്‍ദ്ധിക്കുന്നു എന്നതിന്‌ താങ്ങായി നല്‍കുന്ന വനിതയുടെ കണക്ക്‌ 2005ല്‍ നടത്തിയ ഒരു സര്‍വ്വേ റിപ്പോര്‍ട്ടാണ്‌। ഇന്ത്യയിലെ 69।8 ശതമാനം പേരും ആദ്യലൈംഗിക ബന്ധത്തില്‍ ഏര്‍പ്പെട്ടത്‌ പതിനെട്ട്‌ വയസ്സിന്‌ മുന്‍പാണ്‌ എന്നാണ്‌ കണക്ക്‌। ഇതുപോലെ നിരവധി സര്‍വ്വേ റിപ്പോര്‍ട്ടുകള്‍ പുറത്തുവന്നിട്ടുണ്ട്‌। ഇത്‌ ഒരു തരം വിശ്വാസ്യത ജനിപ്പിക്കലാണ്‌। പുറത്തുപോവുന്ന മലയാളി വിദ്യാര്‍ത്ഥികള്‍ ലൈംഗിക അരാജകത്വത്തിലേക്ക്‌ വഴുതുന്നു എന്ന്‌ ആദ്യമേ നിശ്ചയിച്ച കണ്ടെത്തലിലേക്ക്‌ എത്താന്‍ വ്യക്തമായ തെളിവുകളോ പഠനങ്ങളോ ഇല്ലാത്തതിനാല്‍ ഇന്ത്യ മുഴുവന്‍ നടത്തിയ ഒരു പഠനത്തിന്റെ കണക്കെടുത്ത്‌ ചേര്‍ത്ത്‌ കണ്ണില്‍ പൊടിയിടുന്ന മാധ്യമവിദ്യ। ആംചെയര്‍ ജേര്‍ണലിസം തെളിവുകള്‍ കൊണ്ട്‌ കളിക്കുന്നത്‌ ഇങ്ങനെയാണ്‌. (ലൈംഗിക ബന്ധവും ലൈംഗിക അരാജകത്വവും ഒന്നുതന്നെയാണ്‌ എന്നാണ്‌ വനിത വായിച്ചാല്‍ തോന്നുക. ) എഴുതപ്പെട്ടതിന്റെ സത്യത്തില്‍ ഇപ്പോഴും വിശ്വസിക്കുന്ന സാധാരണക്കാരെ അങ്കലാപ്പിലാക്കുന്ന ലൊടുക്കു മാധ്യമ തട്ടിപ്പാണിത്‌. പാനിക്‌ മോംഗറിങ്‌ (panic mongering) ഒരു നിഷ്‌കളങ്ക കൃത്യമല്ല പലപ്പോഴും. അതിന്‌ പിന്നില്‍ വലിയ വലിയ ആസൂത്രണവും ലക്ഷ്യവുമുണ്ടാവാറുണ്ട്‌. നമ്മുടെ കിണറുകളിലെ വെള്ളത്തില്‍ കോളിഫോം ബാക്ടീരിയ നിറഞ്ഞിരിക്കുന്നുവെന്ന ദുരന്തപ്രവചനം കുപ്പിവെള്ളത്തിലേക്കാണ്‌ നമ്മെ എത്തിച്ചത്‌്‌. പ്രമേഹം ഷുഗര്‍ ഫ്രീ പഞ്ചസാരയിലേക്കും. ഗോയിറ്റര്‍ അയഡിന്‍ ഉപ്പിലേക്കും. (കല്ലുപ്പു പോയ വഴി കാണാനില്ല. ഇപ്പോള്‍ അയഡിന്‍ ബുദ്ധി വര്‍ദ്ധിപ്പിക്കുമെന്ന്‌ നാമറിയുന്നു.) ഈ ഫീച്ചര്‍ ചെയ്യുമ്പോള്‍ വനിത തേടിയ എലിമെന്റുകള്‍ എന്താവാം എന്ന്‌ ദോഷൈക ദൃഷ്ടിയോടെത്തന്നെ ആലോചിച്ചുനോക്കി. 1. ഈ കഥയില്‍- അങ്ങനെത്തന്നെ പറയട്ടെ- മലയാളി മാതാപിതാക്കളെ- എല്ലാവിഭാഗം മലയാളികളേയും- ഒന്നടങ്കം ഞെട്ടിപ്പിക്കാന്‍ പോന്ന സെന്‍സേഷണ്‍ ഉണ്ട്‌. 2. എല്ലാവരേയും ഇക്കിളിപ്പെടുത്താന്‍ കഴിയുന്ന സെക്‌സിന്റെ ധാരാളിത്തം ഉണ്ട്‌. അത്‌ കഥയില്‍ നന്നായി ഉപയോഗപ്പെടുത്തിയിട്ടുണ്ടെന്ന്‌ ഒറ്റത്തവണ വായിച്ചാല്‍ മനസ്സിലാകും. മറിയം റഷീദ (ചാരമായ ചാരക്കേസിലെ) കിടപ്പറയില്‍ ട്യൂണാ മത്സ്യം പോലെ പിടഞ്ഞു എന്ന്‌ കണ്ണാല്‍ കണ്ടപടി റിപ്പോര്‍ട്ട്‌ ചെയ്‌ത പത്രമാണ്‌ മനോരമ. സ്‌റ്റീരിയോടൈപ്പുകള്‍ നിര്‍മ്മിക്കുന്നതിലും നിലനിര്‍ത്തുന്നതിലും മാധ്യമങ്ങള്‍ക്കുള്ള അപലപനീയമായ പങ്ക്‌ വ്യക്തമാക്കുന്ന ഒരു ഫീച്ചര്‍ കൂടിയാണ്‌ ഇത്‌. ബാംഗ്ലൂരില്‍ പഠിക്കുന്ന/ജോലി ചെയ്യുന്നവര്‍ പ്രത്യേകിച്ച്‌ പെണ്‍കുട്ടികളെക്കുറിച്ച്‌ ഒരു സദാചാര സ്റ്റീരിയോടൈപ്പ്‌ നിര്‍മ്മിച്ച്‌ ഉള്ളില്‍ രസിക്കുന്ന മനസ്സുകൂടിയുണ്ട്‌ ഈ ഫീച്ചറിനുപിന്നില്‍. ഇതിനൊക്കെ പുറമെ അവരുടെ അന്വേഷണം കേന്ദ്രീകരിക്കുന്നത്‌ ഉന്നതവിദ്യാഭ്യാസത്തിനായി കേരളത്തിന്‌ പുറത്ത്‌ പോകുന്ന വിദ്യാര്‍ത്ഥി/നികള്‍ ആണെന്നത്‌ കേരളത്തിന്റെ സവിശേഷ രാഷ്ട്രീയ സാഹചര്യത്തില്‍ പ്രസക്തമാവുന്നു. കേരളത്തില്‍ ഏറ്റവും കൂടുതല്‍ വിദ്യാര്‍ത്ഥികള്‍ പുറത്തേക്ക്‌ പോവുന്നത്‌ പ്രൊഫഷണല്‍ കോഴ്‌സുകളില്‍ ചേരുന്നതിനാണ്‌. (സ്വാശ്രയ പ്രൊഫഷണല്‍ സ്ഥാപനങ്ങളില്‍.) സ്വാശ്രയ പ്രശ്‌നത്തിന്റെ ഊരാക്കുടുക്കുകളില്‍ പെട്ട്‌ അഡ്‌മിഷന്‍ അനിശ്ചിതത്വത്തിലായ കേരളത്തില്‍ നിന്ന്‌ പുറത്തേക്ക്‌ ഒഴുകാന്‍ നില്‍ക്കുന്ന വലിയൊരു വിദ്യാര്‍ത്ഥി സമൂഹത്തെ എക്കാലത്തേക്കും കേരളത്തിലെ കോഴക്കോളെജുകളില്‍ തന്നെ പിടിച്ചു നിര്‍ത്താനുള്ള ഒരു ആസൂത്രണവൈദഗ്‌ധ്യം ഈ ഫീച്ചറിന്‌ പുറകില്‍ നിഴലിക്കുന്നുണ്ടെന്നാണ്‌ എന്റെ ബലമായ സംശയം. പുറമെയുള്ള സ്വാശ്രയ കോളെജുകളിലേക്കൊഴുകുന്ന പണം കേരളത്തിലെ കോഴക്കോളെജുകളില്‍ തന്നെ നിലനിര്‍ത്താനുള്ള മഹത്തായ ശ്രമത്തിന്‌ ഒരു എളിയ മാധ്യമ പിന്തുണ. വനിതയുടെ ഉദ്ദേശ്യശുദ്ധിയെ സംശയിക്കുന്നതില്‍ ക്ഷമാപണത്തോടെ.

2007-09-05T12:28:00.000+05:30

dreams Questioned

പത്തൊമ്പത്‌ കലാകാരി/രന്‍മാരുടെ പ്രദര്‍ശനം
കൊച്ചി ദര്‍ബാര്‍ ഹാള്‍ ആര്‍ട്ട്‌ ഗാലറിയില്‍
സെപ്‌തം.4 മുതല്‍ 10 വരെ

2007-08-24T12:37:00.000+05:30

സുഹൃത്തേ, താങ്കള്‍ പറഞ്ഞതാണ്‌ ശരി

എന്റെ ഇന്നലത്തെ പോസ്‌റ്റിന്‌ (തലയില്ലാത്ത കോഴികള്‍) ഒരു അമേരിക്കന്‍ മലയാളി കമെന്റ്‌ ഇട്ടിരുന്നു. കമന്റ്‌ മെയിലില്‍ ലഭിച്ചുവെങ്കിലും ബ്ലോഗില്‍ നിന്ന്‌ അദ്ദേഹം തന്നെ ഡിലീറ്റ്‌ ചെയ്‌തിരുന്നു, ഇന്ത്യക്കാരായ എല്ലാ തലയില്ലാക്കോഴികളും അറിഞ്ഞിരിക്കേണ്ട കമെന്റ്‌ ആയതുകൊണ്ട്‌ പൊതുജനത്തിന്റെ അറിവിലേക്കായി അത്‌ ഞാന്‍ താഴെ എടുത്തു ചേര്‍ക്കുന്നു. എന്റെ പോസ്‌റ്റ്‌ വായിക്കാന്‍ പോലും ക്ഷമയില്ലാതെയാണ്‌ അദ്ദേഹം കമന്റ്‌ നടത്തിയിരിക്കുന്നതെന്ന്‌ അദ്ദേഹം സമ്മതിക്കുന്നുണ്ട്‌.
കമെന്റ്‌ എഡിറ്റിങ്‌ കൂടാതെ ഇതാ:
"തന്റെ കോപ്പു വായിച്ചില്ല. എങ്കിലും ഒന്നു പറഞ്ഞുകൊള്ളട്ടേ.
മണ്ണെണ്ണ വിളക്കും മെഴുകുതിരിയുമേ തനിക്കും തന്റെ മക്കള്‍ക്കും മക്കളുടെ മക്കള്‍ക്കും പറഞ്ഞിട്ടുള്ളു. ഇന്ത്യ ഒരു കോപ്പും അല്ല ലോകത്തിന്റെ മുന്നില്‍ എന്നുള്ളതു ആദ്യം മനസ്സിലാക്കുക.
ഈ കരാര്‍ ഒരു ചരിത്രപരമായ നേട്ടം തന്നെ ആണ്‌. ന്യൂക്ലിയര്‍ എനര്‍ജി ഇപ്പോള്‍ ഇന്ത്യയ്‌ക്ക്‌ വളരെ പ്രധാനമാണ്‌. നാല്‌ അണുബോംബ്‌ ഉണ്ടാക്കിയാല്‍ തീരും ഇന്ത്യയുടെ യുറേനിയവും മണ്ണാങ്കട്ടയും.
1998ല്‍ അണുബോംബ്‌ പൊട്ടിക്കരുത്‌ എന്ന്‌ പറഞ്ഞ കള്ളക്കമ്യൂണിസ്റ്റുകാര്‍ ഇപ്പോള്‍ അതിനു കഴിയില്ല എന്നും പറഞ്ഞു കൊടി പിടിക്കുന്നു. ചൈന, പാകിസ്ഥാന്‍ എന്നീ രണ്ടു രാജ്യങ്ങള്‍ക്കു വന്‍ നേട്ടം ആയിരിക്കും ഈ കമ്യൂണിസ്റ്റ്‌ തെണ്ടികല്‍ മൂലം ഉണ്ടാക്കി കൊടുക്കാന്‍ പോവുന്നത്‌. ചൈന ആരാ..പ്രകാശ്‌ കാരാട്ടിന്റെ അപ്പനോ?
ബൈ ഇലക്ഷന്‍ വരട്ടെ എന്നാണ്‌ ഞാന്‍ പറയുന്നത്‌. വെറും ഡൂക്കിലി പാര്‍ട്ടി ആയി സി പി എം ചുരുങ്ങി പോവുന്നത്‌ ഇന്ത്യക്ക്‌ കാണാന്‍ കഴിയും."

എനിക്ക്‌ ഇതിനോട്‌ പ്രതികരണം ഒന്നുമില്ല. പ്രതികരിക്കാന്‍ മാത്രമുള്ള അറിവ്‌ എനിക്കില്ല. അ്‌ദ്ദേഹം പറഞ്ഞതുതന്നെയാണ്‌ ശരി. നൂറ്‌ ശതമാനം. ഈ കരാര്‍ ചരിത്രപരമായ ഒന്നാണ്‌. ഇന്ത്യ ലോകത്തിന്‌ മുന്നില്‍ ഒരു കോപ്പും അല്ല. ന്യൂക്ലിയര്‍ എനര്‍ജി ഇല്ലെങ്കില്‍ ഇന്ത്യ മണ്ണെണ്ണവിളക്കും കത്തിച്ചിരിക്കും.(ഞാന്‍ അത്രയ്‌ക്ക്‌ ആലോചിച്ചില്ല. അമേരിക്ക കനിഞ്ഞില്ലെങ്കില്‍ ഞാനും എന്റെ മക്കളും മക്കളുടെ മക്കളും മണ്ണെണ്ണ വിളക്കും മെഴുകുതിരിയുമായി ജീവിക്കേണ്ടി വരിക. ഞങ്ങളെ മണ്ണെണ്ണപ്പുകയില്‍ നിന്ന്‌ രക്ഷിക്കാന്‍ വേണ്ടി അമേരിക്ക കാരുണ്യപൂര്‍വ്വം ശ്രമിക്കുന്ന്‌ത്‌ കാണാതിരുന്നത്‌ എന്റെ പിഴ, എന്റെ പിഴ, എന്റെ വലിയ പിഴ) നാല്‌്‌ അണുബോംബ്‌ ഉണ്ടാക്കിയാല്‍ തീരും ഇന്ത്യയുടെ യുറേനിയം. (ശരിയാണ്‌, മിനിമം ഒരു പത്ത്‌ ബോംബെങ്കിലും ഉണ്ടാക്കിയാലേ ഇന്ത്യയ്‌ക്ക്‌ ലോകത്തിന്‌ മുന്നില്‍ എന്തെങ്കിലും കോപ്പ്‌ ആവാന്‍ പറ്റൂ.)
എന്റെ സുഹൃത്തിന്റെ ബ്ലോഗ്‌ നിങ്ങള്‍ വായിച്ചിരിക്കേണ്ടതാണ്‌. സദ്ദാമിനെ തൂക്കിക്കൊന്നതു സംബന്ധിച്ച്‌ "അങ്ങനെ പവനായി ശവമായി" എന്ന പോസ്‌റ്റ്‌ മറക്കാതെ വായിക്കുക. അദ്ദേഹത്തിന്‌ സര്‍വ്വ വിധ അമേരിക്കന്‍ മംഗളങ്ങളും നേരുന്നു.

2007-08-23T16:08:00.000+05:30

തലയില്ലാത്ത കോഴികള്‍

INDIAN CHICKEN 60

ഇന്ത്യന്‍ സ്വാതന്ത്ര്യത്തിന്റെ അറുപതാം വാര്‍ഷികം സ്‌റ്റാര്‍ മൂവീസ്‌ ഗംഭീരമായി ആഘോഷിച്ചു. സ്വാതന്ത്ര്യ ദിന പ്രത്യേക സിനിമകയും ഉണ്ടായിരുന്നു. ആഗസ്‌ത്‌ പതിനാലിന്‌ രാത്രി ഇന്‍ഡിപെന്‍ഡന്‍സ്‌ ഡേ എന്ന ചിത്രം. സിനിമയുടെ റിപ്പീറ്റ്‌ പിറ്റേന്നും!! ഇന്ത്യന്‍ സ്വാതന്ത്ര്യം ആഘോഷിക്കാന്‍ സ്‌റ്റാര്‍ മൂവീസ്‌ ഈ ചിത്രം തന്നെ തെരഞ്ഞെടുത്തത്‌ യാദൃച്ഛികമാണെന്ന്‌ കരുതാന്‍ വയ്യ.
സ്വാതന്ത്ര്യത്തിന്റെ അമ്പതാം വാര്‍ഷികവും ഇവര്‍ കെങ്കേമമായി കൊണ്ടാടിയിരുന്നു. പത്തുവര്‍ഷത്തിനിപ്പുറമെത്തുമ്പോള്‍ ഇന്ത്യന്‍ പ്രേക്ഷകര്‍ക്കുവേണ്ടി അവര്‍ വീണ്ടും വീണ്ടും "ഇന്‍ഡിപെന്‍ഡന്‍സ്‌ ഡേ" കാഴ്‌ചവെയ്‌ക്കുകയാണ്‌. ലോകം മുഴുവന്‍ കോടികള്‍ വാരിയ ചിത്രം അവസാനിക്കുന്നത്‌ ജൂലൈ നാലിന്‌ ആണ്‌. അമേരിക്കയെ (ലോകത്തെയും?!!) ആക്രമിക്കാനെത്തുന്ന അന്യഗ്രഹജീവികളെ കൊന്നൊടുക്കി ലോകം മുഴുവന്‍ സ്വാതന്ത്ര്യവും സമാധാനവും നേടിക്കൊടുക്കുന്ന സര്‍വ്വശക്തമായ അമേരിക്ക അതിന്റെ സ്വാതന്ത്ര്യദിനം ആഘോഷിക്കുകയാണ്‌ ചിത്രത്തില്‍.
ഇന്ത്യന്‍ സ്വാതന്ത്ര്യദിനത്തില്‍ ജൂലൈ നാലിനെ വീണ്ടും വീണ്ടും ഓര്‍മ്മിപ്പിക്കുകയും അമേരിക്കന്‍ പ്രസിഡണ്ട്‌ നേരിട്ടുവന്ന്‌ ലോകത്തെ രക്ഷിച്ചെടുക്കുന്ന ഹീറോ ഫിഗറായി പ്രകീര്‍ത്തിക്കപ്പെടുകയും ചെയ്യുന്ന ചിത്രം ഇന്ത്യന്‍ പൗരന്‍മാര്‍ കണ്ടിരിക്കേണ്ടതുതന്നെ.

ഇന്തോ-അമേരിക്കന്‍ ആണവ കരാറിന്റെയും ‌തുടര്‍ന്നുണ്ടായ വിവാദങ്ങളുടെയും പശ്ചാത്തലത്തിലാണ്‌ ഇന്ത്യന്‍ സ്വാതന്ത്ര്യദിനവും സ്റ്റാര്‍ മൂവീസിന്റെ ഇന്‍ഡിപെന്‍ഡെന്‍സ്‌ ഡെയും വരുന്നത്‌ എന്നത്‌ കുറെ കൂട്ടിവായനക്ക്‌ ഇടം നല്‍കുന്നു. ഏലിയന്‍ ചേരുവകളുള്ള മറ്റെല്ലാ പതിവ്‌ ഹോളിവുഡ്‌ ചിത്രങ്ങളേയും പോലെ ഈ ചിത്രവും അമേരിക്കയെയും അമേരിക്കന്‍ ഭരണകൂടത്തെയും ലോകരക്ഷകരായി ഉയര്‍ത്തിക്കാട്ടുന്നുണ്ട്‌.അമേരിക്കയില്‍ ഇന്ത്യന്‍ സ്ഥാനപതിയായ റോണെന്‍ സെന്‍ റിഡിഫിന്‌ അനുവദിച്ച വിവാദ അഭിമുഖം വായിച്ചപ്പോള്‍ ചിത്രം കൂടുതല്‍ വ്യക്തമാവുന്നു. ഇന്ത്യന്‍ എം പി മാരെ തലയില്ലാത്ത കോഴികള്‍ എന്നാണ്‌ സെന്‍ വിശേഷിപ്പിച്ചത്‌. (read the interview)സംഗതി വിവാദമായപ്പോള്‍ താന്‍ ഉദ്ദേശിച്ചത്‌ മാധ്യമങ്ങളെയാണെന്ന്‌ പറഞ്ഞ്‌ തലയൂരാനും ശ്രമം നടത്തി. ആരെയാണ്‌ ഉന്നം വെച്ചതെങ്കിലും ഒരുകാര്യം വ്യക്തമാണ്‌ ഇന്തോ-യു എസ്‌ കരാറിനെ വിമര്‍ശിക്കുന്നവരെയാണ്‌ തലയില്ലാത്ത കോഴികള്‍ എന്ന്‌ പുള്ളിക്കാരന്‍ വിമര്‍ശിച്ചത്‌.

റോണെന്‍ സെന്നിന്റെ അഭിമുഖത്തില്‍ വിവാദമായിരിക്കുന്ന തലയില്ലാക്കോഴി പരാമര്‍ശം മാറ്റിനിര്‍ത്തിയാല്‍ വലിയ ചില വെളിപ്പെടുത്തലുകളുണ്ട്‌:
സാമ്പിള്‍ ഇതാ: "ഇന്ത്യയ്‌ക്ക്‌ നേരെ ആണവ നിര്‍വ്യാപന കരാര്‍ ഏര്‍പ്പെടുത്താന്‍ നോക്കിയ അതേ അമേരിക്ക തന്നെ ഇപ്പോള്‍ നമ്മളെ അതില്‍ നിന്ന്‌ ഒഴിവാക്കാമെന്ന്‌ പറയുന്നു, ഇത്‌ വലിയ നേട്ടമല്ലേ? " (അതെ വലിയ നേട്ടം തന്നെ. വല്യേട്ടന്റെ ഔദാര്യം എന്ന്‌ തലയില്ലാക്കോഴികള്‍ പറയുന്നത്‌ ശ്രദ്ധിക്കേണ്ട.)
സാമ്പിള്‍ രണ്ട്‌: "ബുഷിനെപ്പോലെ ഇന്ത്യയുടെ അനുകൂലിയും സുഹൃത്തുമായ മറ്റൊരു പ്രസിഡണ്ടിനെ ഈ അടുത്ത കാലത്തൊന്നും കണ്ടിട്ടില്ല. ഇനി അടുത്ത കാലത്തൊന്നും ഉണ്ടാവുമെന്നും തോന്നുന്നില്ല." (പ്രസിഡണ്ട്‌ ബുഷ്‌ ഈ കുടുംബത്തിന്റെ നാഥന്‍)

സാമ്പിള്‍ മൂന്ന്‌‌: "ഇന്ത്യയുടെ അറുപതുവര്‍ഷത്തെ ചരിത്രത്തില്‍ ഇത്രയും മനോഹരമായ ഒരു കരാര്‍ ഉണ്ടായിട്ടേ ഇല്ല." (എന്റമ്മോ!! ചരിത്രം ഇന്ത്യയെ നമിക്കുന്നു.)

അരുന്ധതി റോയ്‌ ചെയ്‌ത പഴയൊരു പ്രസംഗം ഓര്‍ത്തുപോയി, 2004ല്‍ മുംബൈ സോഷ്യന്‍ ഫോറത്തില്‍ നടത്തിയത്‌- "1947 മുതല്‍ അമേരിക്കന്‍ നാഷണല്‍ ടര്‍ക്കി ഫൗണ്ടേഷന്‍ താങ്ക്‌സ്‌ ഗിവിങ്‌ ദിനത്തില്‍ പ്രത്യേകം തെരഞ്ഞെടുത്ത ഒരു ടര്‍ക്കി കോഴിയെ പ്രസിഡണ്ടിന്‌ സമ്മാനിക്കും. ദയാലുവായ പ്രസിഡണ്ട്‌ തന്റെ കാരുണ്യം പ്രകടിപ്പിച്ചുകൊണ്ട്‌ ആ ടര്‍ക്കിക്കോഴിയെ സ്വതന്ത്രനാക്കും. അന്നത്തെ പ്രസിഡന്‍ഷ്യന്‍ ഡിന്നറിന്‌ മറ്റൊരു ടര്‍ക്കിയെയാവും കൊല്ലുക. അതേ ദിവസം ആഘോഷങ്ങളുടെ ഭാഗമായി അമ്പത്‌ മില്യണ്‍ ടര്‍ക്കി കോഴികളുടെ തലയറുക്കും!... " (read the full text here)

അമേരിക്കന്‍ തീന്‍ മേശയിലേക്ക്‌ തലനീട്ടിയിരിക്കുന്ന റോണെന്‍ സെന്നും മന്‍മോഹനും അടക്കമുള്ള ഇന്ത്യന്‍ കോഴികള്‍ക്ക്‌ (തലയോടുകൂടിയ) "ഇന്‍ഡിപെന്‍ഡെന്‍സ്‌ ഡേ" ആശംസകള്‍. സംശയിക്കേണ്ട ജൂലൈ നാലിന്‌ തന്നെ!!

2007-08-22T11:36:00.000+05:30

പിന്നെയും മഴ!!

ഇത്തവണ മഴ തകര്‍ത്തു. ഇതുവരെയുള്ള കണക്കുകള്‍ വെച്ചുതന്നെ കേരളത്തില്‍ 22ശതമാനത്തിലധികം മഴ ലഭിച്ചുകഴിഞ്ഞു. കഴിഞ്ഞ രണ്ടര മാസത്തിനിടയില്‍ 205 സെന്റിമീറ്റര്‍ മഴ ലഭിച്ചു. 160നും 170 സെ. മി.ക്കും ഇടയ്‌ക്കാണ്‌ സാധാരണ ലഭിക്കാറുള്ള മഴ. ഡാമുകള്‍ എല്ലാം നിറഞ്ഞു കവിഞ്ഞു. തൃശ്ശൂര്‍ ജില്ലയിലെ മിക്ക ഡാമുകളും നാലുതവണയെങ്കിലും തുറന്നുവിട്ടു. മണ്‍സൂണ്‍ ഇനിയും അവസാനിച്ചിട്ടില്ല. തുലാവര്‍ഷം തകര്‍ത്തുപെയ്യാനിരിക്കുന്നേയുള്ളു. വേനല്‍ മഴയും കൂടിയാവുമ്പോള്‍ മഴ ഈ വര്‍ഷം സമീപകാല റെക്കോഡുകള്‍ തകര്‍ക്കും. പിന്നെയും വേനല്‍ വരുമ്പോള്‍ ജലക്ഷാമത്തെക്കുറിച്ച്‌ നമുക്ക്‌ സംസാരിക്കേണ്ടി വരുമെന്നതാണ്‌ ഇതിന്റെ മറുവശം. കൃത്യമായ വാട്ടര്‍മാനേജ്‌മെന്റ്‌ പോളിസിയെക്കുറിച്ച്‌ നാം എന്നാണ്‌ ചിന്തിച്ചുതുടങ്ങുക? വാട്ടര്‍ അഥോറിറ്റി കുപ്പിവെള്ള ബിസിനസ്സിലേക്ക്‌ തിരിയുന്നുവെന്നതാണ്‌ ഏറ്റവും പുതിയ വാര്‍ത്ത!! മഴയെ കുപ്പിയിലടച്ച്‌ വില്‍ക്കാന്‍ സര്‍ക്കാര്‍ സംവിധാനങ്ങളാവുന്നു. പക്ഷേ കാര്യക്ഷമമായ ജലവിഭവമാനേജ്‌മെന്റിന്‌ സംവിധാനങ്ങളൊന്നുമില്ല.

പ്രത്‌ീക്ഷയ്‌ക്ക്‌ വകയുണ്ട്‌,അല്ലേ??

2007-08-16T16:01:00.000+05:30

The Great Indian cliche'
അഥവാ
മഹത്തായ ഇന്ത്യന്‍ തമാശ

ഇത്‌ വളരെ പ്രവചനീയമായ ഒരു ഫോട്ടോ തന്നെ.
ഏതൊരു ഇന്ത്യന്‍ നഗരത്തിലും കാണാവുന്ന സാധാരണ കാഴ്‌ച. ധനിക-ദരിദ്ര വ്യത്യാസത്തെക്കുറിച്ച്‌ വാതുറക്കുന്നവര്‍ മുഴുവന്‍ പറയുന്ന ക്ലീഷേ. പക്ഷേ, ഇതൊരു ക്ലീഷേ ആണെന്നതുകൊണ്ടുമാത്രം യാഥാര്‍ത്ഥ്യം അല്ലാതാവുന്നില്ല.

അംബാനി സ്വന്തം കുടുംബത്തിന്‌ താമസിക്കാന്‍ 27 നില ആഡംബര മന്ദിരം പണിയുന്നുവെന്നത്‌ ഇവിടെ വലിയ വാര്‍ത്തയായി. വരാനിരിക്കുന്ന ആ അംബരചുംബിയുടെ നില തിരിച്ചുള്ള ചര്‍ച്ചകളും ഇന്‍വെസ്റ്റിഗേറ്റീവ്‌ ജേര്‍ണലിസവും നമ്മള്‍ കണ്ടു. നിയോ ലിബറല്‍ ഇന്ത്യയുടെ വിധാതാക്കളുടെ രാജമാളികയിലിരുന്നാലുളള കാഴ്‌ചകളാണ്‌ ചേതോഹരം. വിദേശവണിക്കുകള്‍ കയറിവന്ന ഇന്ത്യാ ഗേറ്റ്‌ വരെ വിശാലമായി കാണാം. "ദി ഡേര്‍ട്ടി മുംബൈ സ്ലംസും" കാണേണ്ടി വരുമെന്ന ഒരു ദോഷം മാത്രമേ ഉള്ളു. അതു ഞങ്ങള്‍ അടുത്തുതന്നെ ക്ലീന്‍ ആക്കുന്നുണ്ട്‌...to get a better view of things...

ഇത്‌ കൊച്ചിയിലെ- കേരളത്തിലെയും- ഏറ്റവും ഉയരം കൂടിയ കെട്ടിടമാണ്‌. ഒരു പക്ഷേ, കേരളത്തിലെ ആദ്യത്തെ ഇന്റെലിജെന്റ്‌ ബില്‍ഡിങ്‌. ഏറ്റവും മുകളിലത്തെ വൃത്താകൃതിയിലുള്ള ഇടം ഒരു റിവോള്‍വിങ്‌ റെസ്‌റ്റോറന്റ്‌ ആണ്‌. ഈ കെട്ടിടത്തില്‍ വരുന്ന സ്വദേശി-വിദേശി ഐടി കുഞ്ഞുങ്ങള്‍ക്ക്‌ സ്‌മാര്‍ട്ട്‌ കൊച്ചി മൊത്തത്തില്‍ കറങ്ങിക്കാണാന്‍ എവിടെ നേരം. ഇന്റെലിജെന്റ്‌ ബില്‍ഡിങ്ങ്‌ ആണെങ്കിലും ടാര്‍ജെറ്റ്‌ മറന്ന്‌ കളിയില്ലല്ലോ. അതുകൊണ്ട്‌ അവര്‍ക്ക്‌ കൊച്ചി കാണാന്‍ വേണ്ടി ഈ റെസ്‌റ്റോറന്റ്‌ കറങ്ങിക്കൊണ്ടിരിക്കും. അപ്പോഴൊക്കെ ഈ ചേരി അരോചകം തന്നെയായിരിക്കും, തീര്‍ച്ച. അതുകൊണ്ടാവണമെന്നില്ല കേട്ടോ, എന്തായാലും ഈ താല്‍ക്കാലിക ചേരി ഒഴിപ്പിക്കാന്‍ കൊച്ചിയിലെ ക്വട്ടേഷന്‍ ലോകം നമ്പറുകളിറക്കിത്തുടങ്ങിയിട്ടുണ്ട്‌. ഭീഷണിയും വഴക്കും ഒക്കെയായി. അധികം വൈകാതെ ഈ ക്ലീഷേ രംഗം കൊച്ചിയില്‍ നിന്നും തുടച്ചുമാറ്റപ്പെടും, തീര്‍ച്ച. അതുവരെ ക്ഷമിക്കുക.
സ്വാതന്ത്ര്യത്തിന്റെ അറുപതാം പിറന്നാള്‍ ആശംസകളോടെ.
(ക്യാമറയ്‌ക്കുള്ളില്‍ അല്‍പം ക്ലീഷേ പറ്റിപ്പിടിച്ചതില്‍ ക്ഷമാപണത്തോടെ. വേഗം തന്നെ നന്നാക്കാന്‍ കൊടുക്കുന്നുണ്ട്‌. അതുവരെ... )

2007-08-01T16:46:00.000+05:30

പഠിക്കാനുള്ള അവകാശം സംരക്ഷിക്കാന്‍
വിശുദ്ധ കുര്‍ബാന കൈക്കൊള്ളുക

എല്ലാ സമരങ്ങളില്‍ നിന്നുമുള്ള വിമോചനം!!

2007-07-30T20:34:00.000+05:30

വിമോചനസമരത്തില്‍ പങ്കാളികളാകൂ...
(മോക്ഷം വെച്ച്‌ ലക്ഷം വാരാന്‍)

PRAISE THE LORD (of the millions- only cash)!!

2007-07-01T20:49:00.000+05:30

ചൂട്ടുപിടിച്ചൊരു മഴ വന്നേ...

2007-06-30T11:41:00.000+05:30

സി പി ഐ (എം)
കമ്മ്യൂണിസ്റ്റ്‌ പാര്‍ട്ടി ഇല്ല (മരിച്ചു)

2007-06-25T18:57:00.000+05:30

അടുക്കളയില്‍ നിന്നും ബ്ലോഗിലേക്ക്‌

2007-06-21T15:19:00.000+05:30

വരട്ടെ, പുതിയ ബ്ലോഗന്‍മാരും ബ്ലോഗിനികളും!

ഈയടുത്ത ദിവസങ്ങളില്‍ എന്റെ മൂന്ന്‌്‌ സുഹൃത്തുക്കള്‍ ബ്ലോഗിങ്ങിലേക്ക്‌ തിരിഞ്ഞു. ഓരോ ദിവസവും പുതിയ പുതിയ ബ്ലോഗുകള്‍ ജനിക്കുന്നു. വായനയുടെയും എഴുത്തിന്റെയും ജനാധിപത്യവല്‍ക്കരണം നെറ്റില്‍ സംഭവിക്കുന്നു എന്ന പ്രതീക്ഷയുയര്‍ത്തിക്കൊണ്ടാണ്‌ പുതിയ പുതിയ ബ്ലോഗുകള്‍ ഉയിര്‍ക്കുന്നത്‌. ഇ-പബ്ലിഷിങ്ങിന്റെ വ്യക്തിഗത സാധ്യതകള്‍ പരമാവധി പ്രയോജനപ്പെടുത്തിക്കൊണ്ട്‌ എനിക്കും ചിലത്‌ പറയാനുണ്ട്‌ എന്ന്‌ എല്ലാവര്‍ക്കും പറയാവുന്ന അവസ്ഥ കുറഞ്ഞത്‌ ഇന്റര്‍ നെറ്റ്‌ ആക്‌സസ്‌ ഉള്ള ചെറിയ ന്യൂനപക്ഷത്തിനെങ്കിലും ഉണ്ട്‌..
വളരെ നന്നായിട്ടുണ്ട്‌, കലക്കി, ഇനിയും കാണണം എന്നുതുടങ്ങി ഓര്‍ക്കുട്ടിലെ സ്‌‌ക്രാപ്പുകളുടെ ഒരു എക്‌സ്റ്റന്‍ഷന്‍ ആണ്‌ ബ്ലോഗുകളിലെ കമെന്റ്‌ ചര്‍ച്ചകള്‍അധികവും. പോപ്പുലാരിറ്റി അളക്കുന്നതിനുള്ള വഴി മാത്രമാണ്‌ കമെന്റുകള്‍. ഞാനടക്കം അതാണ്‌ ചെയ്‌തുകൊണ്ടിരിക്കുന്നത്‌. എങ്കിലും പുതിയ ബ്ലോഗുകള്‍ വരുന്നുണ്ട്‌, പുതിയ ആളുകള്‍ വരുന്നുണ്ട്‌. വരുമായിരിക്കും, ബൂലോകത്തെയും പരിഷ്‌കരിന്ന ബ്ലോഗുകള്‍. ഭാഷയുടെയും എഴുത്തിന്റെയും ആശയങ്ങളുടെയും കെട്ടഴിച്ചുവിടുന്ന അല്‍ഭുതകരമായ ബ്ലോഗുകള്‍. കൊച്ചുവര്‍ത്തമാനത്തിന്റെ ബ്ലോഗ്‌ഭാഷ കര്‍ക്കശമായ വിമര്‍ശനത്തിനും ഇടപെടലിനും വഴി തുറക്കുമായിരിക്കും. കുറഞ്ഞത്‌ സ്വയം പരിഷ്‌കരിക്കുകയും സ്വന്തം സന്മാര്‍ഗ്ഗ-സദാചാര-സാമൂഹ്യ ബോധത്തെ ചോദ്യം ചെയ്യുകയും ചെയ്യുന്നവ! ക്ലബ്ബുകളുടെയും കൂട്ടായ്‌മകളുടെയും നിയമ-സദാചാര വേലിക്കെട്ടുകള്‍ക്കുള്ളില്‍ വീണുകുരുങ്ങാത്ത കരുത്തുള്ള ബ്ലോഗുകള്‍ വരട്ടെ.

എഴുത്തിന്റെയും എക്‌സ്‌പ്രഷന്റെയും പുതുവഴി തേടി മായാ ബാനര്‍ജിയും* എത്തുന്നു. എഴുത്തുകൊണ്ട്‌ നേരത്തെ തന്നെ അല്‍ഭുതപ്പെടുത്തിയിട്ടുള്ളതുകൊണ്ട്‌ മായയുടെ ബ്ലോഗിലും വായനയുടെ അല്‍ഭുതങ്ങള്‍ പ്രതീക്ഷിക്കാം.
മയാ ബാനര്‍ജിയുടെ ഓര്‍മ്മപ്പത്തായം
www.ormmapathayam.blogspot.com
* മായ ബാനര്‍ജിയുടെ പുതിയ നോവല്‍
"അലമേലു തുന്നുകയാണ്‌"
പരിധി ബുക്‌സ്‌ അടുത്തിടെ പുറത്തിറക്കി.

2007-06-20T18:40:00.000+05:30

പ്രസാദിന്റെ ആക്രിക്കട

"വെറുതെ ഒന്ന്‌ കേറി നോക്കിയതാ! വന്നപ്പോള്‍ ഇരുന്നിട്ട്‌ പോകാമെന്നു നിരീച്ചു. പച്ചപ്ലാവില കണ്ടപ്പോ .... ന്നാ പിന്നെ കഞ്ഞി കുടി കൂടി കഴിഞ്ഞിട്ടുപോകാന്ന്‌ തീരൂമാനിക്കൂം ചെയ്തു. അബദ്ധായോ?"
ഇങ്ങനെയാണ്‌ പ്രസാദ്‌ തുടങ്ങുന്നത്‌.

ആദ്യത്തെ പോസ്‌റ്റില്‍ത്തന്നെ വെടിക്കെട്ട്‌ തുടങ്ങി.
പ്രഥമന്‌ ഇട്ടാണ്‌ കൊട്ട്‌‌; കുരവയും!
"ബഹു. പ്രസിഡന്റ്‌ കലാംസാറ്‌ തന്നയായിരുന്നുവെങ്കില്‍ വളരെ നന്നായിരുന്നു എന്നാണ്‌ എന്റെ ഭയങ്കരമായ അഭിപ്രായം. " (?!!!)

കൂടുതല്‍ ആക്രി ഐറ്റംസ്‌ പ്രതീക്ഷിക്കുക
http://aakrikkada.blogspot.com

2007-06-19T13:26:00.001+05:30

കാറ്റ്‌ മഴയോടൊത്ത്‌ ചെയ്യുന്നത്‌

2007-06-18T16:50:00.000+05:30

കടലിറക്കത്തിന്റെ ദൃശ്യവിസ്‌മയങ്ങളുമായി
ജയകുമാര്‍ ബ്ലോഗിങ്ങ്‌ തുടങ്ങുന്നു

രാമക്കല്‍മേട്‌

"താഴെ മൂവായിരം അടിയുടെ ശൂന്യതയിലേക്ക്‌ കാലും തൂക്കിയിട്ട്‌ ഈ പാറക്കെട്ടില്‍ ഇങ്ങനെ ഇരിക്കുമ്പോള്‍ സമുദ്രം കാലില്‍ തൊട്ടുമടങ്ങുംപോലെ തോന്നും. കാറ്റ്‌ നിര്‍ത്താതെ വീശിക്കൊണ്ടേയിരിക്കും."
http://haritham.blogspot.com/

2007-06-16T13:07:00.000+05:30

മലയാളിക്ക്‌ അഡോബിന്‍റെ അംഗീകാരം

"ലോകത്തെ പ്രമുഖ ഇമേജിങ്ങ്‌ സോഫ്ട്‌ വെയര്‍ നിര്‍മ്മാതാക്കളായ അഡോബ്‌ രാജ്യാന്തര തലത്തില്‍ സംഘടിപ്പിച്ച മത്സരത്തില്‍ മലയാളി ഗ്രാഫിക്‌ ഡിസൈനര്‍ നേടിയ വിജയം അധികം ആരും അറിയാതെ കടന്നു പോയി. ഇമേജിങ്ങ്‌ രംഗത്തെ ഏറ്റവും പുതിയ പ്രവണതകള്‍ പ്രചരിപ്പിക്കുന്ന ഫോട്ടോവര്‍ക്ക്‌ഷോപ്പ്‌ ഡോട്ട്‌ കോമുമായി സഹകരിച്ചാണ്‌ അഡോബ്‌ ഡിജിറ്റല്‍ ഇമേജിങ്ങ്‌ മത്സരം സംഘടിപ്പിച്ചത്‌.തിരുവന്തപുരംകാരനായ ഗ്രാഫിക്കല്‍ ഡിസൈനര്‍ ബി.പ്രിയരഞ്ചന്‍ ലാലിന്‍റെ വിജയം പക്ഷെ കേരളത്തിലെ മുഖ്യധാര മാധ്യമങ്ങളൊന്നും ഇതുവരെ അറിഞ്ഞിട്ടുപോലുമില്ല."
പ്രിയരഞ്‌ജന്‍ ലാലിന്റെ നേട്ടത്തെക്കുറിച്ച്‌ എം എസ്‌ എന്‍ എഴുതിയത്‌.
ലിങ്ക്‌: http://content.msn.co.in/Malayalam/InfoTech/Articles/0706-13-3.htm

പ്രിയരഞ്‌ജന്‍ ലാലിനെപ്പറ്റി ഈന്തപ്പനയില്‍

2007-06-15T18:35:00.000+05:30

മൈസൂര്‍ ദസറ ഫെസ്റ്റിവല്‍

photographs by V C Ajilal

photographs by V C Ajilal

കഴിഞ്ഞ ഒക്‌ടോബറില്‍ ഒരു രാത്രി അജിലാലിന്റെ ഫോണ്‍. ``ഞാനിപ്പോ മൈസൂര്‍ കൊട്ടാരത്തില്‍ നിന്നാണ്‌. ഇവിടെ ദസറ പടം പിടിക്കാന്‍ വന്നതാ....രണ്ട്‌ ദിവസായി''`
`എങ്ങനെയുണ്ട്‌ പരിപാടികള്‍?''
``ഭീകര സെറ്റപ്പാ...നേരിട്ട്‌ കാണണം..പറഞ്ഞാലൊന്നും മനസ്സിലാവില്ല.''
`ഭീകര സെറ്റപ്പ്‌' എന്നത്‌ ഒരു അജിലാല്‍ പ്രയോഗമാണ്‌. സൂപ്പര്‍ലേറ്റീവിന്റെ അപ്പനായിട്ട്‌ വരും.

``ഓ..എന്തൂട്ട്‌ സെറ്റപ്പ്‌... ഞങ്ങടെ തൃശ്ശൂര്‍പൂരത്തിന്റെ അത്രേം വര്വോ? '' ഉള്ളിലെ അസൂയ ഇങ്ങനെയാണ്‌ തികട്ടിവന്നത്‌.

അപ്പുറത്ത്‌ ആക്കിയ ഒരു ചിരി.(പ്രതീക്ഷിച്ചപോലെ..)

പരമ്പരാഗതമായ നിരവധി ആചാരങ്ങളും ആഘോഷങ്ങളും ദസറയുടെ ഭാഗമാണ്‌. ഗുസ്‌തിമത്സരം ഇതിലൊരു പ്രധാന ഇനമാണ്‌. ദര്‍ബാറില്‍ നിന്ന്‌ പുറത്തേക്കെഴുന്നള്ളുന്ന രാജാവ്‌ ഗുസ്‌തിമത്സരത്തില്‍ പരാജിതന്റെ തലയില്‍ ചോര കണ്ടാല്‍ മാത്രമേ ക്ഷേത്രത്തിലേക്ക്‌ എഴുന്നള്ളൂ. രാജാവ്‌ നിര്‍ഗ്ഗമിച്ചതിന്‌ ശേഷം മാത്രമേ കര്‍ണ്ണാടക ജനാധിപത്യസര്‍ക്കാര്‍ ആഘോഷങ്ങള്‍ ഏറ്റെടുക്കൂ. അതുവരെ രാജഭരണം

സ്വര്‍ണ്ണത്തിന്റെ ഒരു കളിയാണത്രേ ദസറ എന്ന രാജകീയ ഉത്സവത്തിന്‌. മൈസൂര്‍ കൊട്ടാരത്തില്‍ വൊഡയാര്‍ രാജാവ്‌ എഴുന്നള്ളി വന്ന്‌ ദര്‍ബാര്‍ കൂടും. തികഞ്ഞ പരമ്പരാഗത പ്രൗഢിയോടെ. അഞ്ഞൂറ്‌ കിലോ (500 കിലോ മാത്രം!!) സ്വര്‍ണ്ണത്തില്‍ തീര്‍ത്ത സിംഹാസനത്തിലാണ്‌ ഈ ദിവസം രാജാവ്‌ ഇരുന്നരുളുക. അതിനെല്ലാം ശേഷം അലങ്കരിച്ച ആനകളുടെ ഒരു സവാരിയുണ്ട്‌. എഴുന്നൂറ്റമ്പത്‌ കിലോ സ്വര്‍ണ്ണത്തില്‍ (750 കിലോ മാത്രം!!) തീര്‍ത്ത അലങ്കാരപ്പല്ലക്കാണ്‌ ഗജവീരന്‍ പുറത്തേറ്റുന്നത്‌. ചാമുണ്ഡേശ്വരി ഈ സ്വര്‍ണ്ണപ്പല്ലക്കിലാണ്‌ വരുന്നത്‌.

വി സി അജിലാല്‍

ഫോട്ടോഗ്രാഫര്‍

varthamananam Daily, calicut

`നിറങ്ങളില്‍ സെപിയ' എന്ന ഫോട്ടോ പരമ്പര വര്‍ത്തമാനം ആഴചപ്പതിപ്പില്‍ ശ്രദ്ധേയമായ നൂറ്‌ ആഴ്‌ചകള്‍ പിന്നിട്ടു. കേരള ലളിതകലാ അക്കാദമിയുടെ ഫോട്ടോഗ്രഫി അവാര്‍ഡ്‌ (2006), പ്രത്യേക പരാമര്‍ശം (2004)ബട്ടര്‍ഫ്‌ളൈ ആര്‍ട്‌ ഫൗണ്ടേഷന്‍ മെറിറ്റ്‌ സര്‍ട്ടിഫിക്കറ്റ്‌ (2006)കോഴിക്കോട്‌ ആര്‍ട്‌ ഗാലറിയില്‍ ഫെബ്രുവരി മാസം നടന്ന `നിറങ്ങളില്‍ സെപിയ ഫോട്ടോ എക്‌സിബിഷന്‍' അഭൂതപൂര്‍വ്വമായ ജനസാന്നിദ്ധ്യം കൊണ്ട്‌ ശ്രദ്ധേയമായി
contact Ajilal: ajilal@gmail.com

orkut group: ajilal 100% photography http://www.orkut.com/Community.aspx?cmm=31325195

2007-06-14T12:15:00.000+05:30

ചിരിക്കുട്ടികള്‍

2007-06-12T15:25:00.001+05:30

മഴയ്‌ക്കുമുമ്പേ

view large

2007-06-11T12:09:00.000+05:30

മഴനിഴലിലൂടെ

മണ്‍സൂണ്‍ രാഗ

2007-06-08T13:40:00.000+05:30

മണ്‍സൂണ്‍ രാഗ

2007-06-06T11:26:00.001+05:30

എന്റെ മരം

2007-06-05T14:32:00.001+05:30

കടത്ത്‌

അക്കരെ തോപ്പില്‍ നിന്നും വെട്ടിയിട്ട കമുകില്‍കാലുകള്‍ പുഴയിലൂടെ കടത്തിക്കൊണ്ടുവരാന്‍ ഇവര്‍ക്ക്‌ പ്രത്യേക സാമര്‍ത്ഥ്യം ഉണ്ട്‌. ജീവിതത്തിന്റെ പെരുംകടത്തു കടക്കന്‍ ഇവര്‍ക്കാവുന്നതുതന്നെ വലിയൊരു സാമര്‍ത്ഥ്യമല്ലെ. പുഴയുടെ ചുഴിക്കുത്തുകളിലൂടെ ഒഴുക്കിന്റെ വരവും വേഗവും അറിഞ്ഞ്‌, ഓളപ്പരപ്പിലൂടെ ഇവര്‍ അനായാസം നടന്നു വരുന്നതു കണ്ടപ്പോള്‍ കടലിന്നുമീതെ നടന്നവനെ ഓര്‍ത്തുപോയി.
വലിയ കമുകിന്‍ കാലുകളുമായി അവര്‍ ഇക്കരെപ്പറ്റിയപ്പോള്‍ ചോദിച്ചു: "എങ്ങനെ പുഴകടന്നു?"
"വെള്ളപ്പടിയില്‍ നിന്നാല്‍ ഒരു കുഴപ്പോമില്ല. ഒഴുക്കീപ്പെടാതെ നൊക്ക്യാ മതി..ഇതൊരു ശീലാന്നെ..മോനാ തറ്റത്തൊന്നു പിടിച്ചേ..."
ഇതും ഒരു അല്‍ഭുതപ്രവര്‍ത്തി തന്നെയല്ലെ..? സാങ്കല്‍പ്പികമായ ഒരു "വെള്ളപ്പടിയില്‍" ചവിട്ടിനടന്നുള്ള ഈ വരവ്‌. ഇവരെ വൃദ്ധര്‍ എന്നാണൊ വിശുദ്ധര്‍ എന്നാണൊ വിളിക്കേണ്ടത്‌?

2007-06-04T12:50:00.000+05:30

മഴക്കോള്‌

2007-06-02T12:06:00.000+05:30

ചിരിക്കുട്ടികള്‍

2007-05-26T15:55:00.000+05:30

ഭൂമിയിലെ ഏറ്റവും ചെറിയ മാമ്പഴം?

ഇത്‌ ഒറിജിനല്‍ കടുകുമാങ്ങ. ഇടത്തരം നെല്ലിക്കാ വലുപ്പം.

ശരാശരി വലുപ്പമുള്ള വായുള്ളവര്‍ക്ക്‌ കൂളായി മൂന്നുമാമ്പഴം ഒരേസമയം അകത്താക്കാം.

ചെറുതാണ്‌ സുന്ദരം എന്നല്ലേ ഇന്ത്യന്‍ ഭരണഘടനയില്‍ പറയുന്നത്‌.. പക്ഷെ കടുകുമാങ്ങയ്ക്ക്‌ അതിനൊരു ഭേദഗതി നിര്‍ദ്ദേശിക്കാനുണ്ട്‌. ചെറുതാനു സുന്ദരം, രുചികരവും..എന്ന് ടി.വാചകം മാറ്റിവായിക്കേണ്ടതാണ്‌.

അച്ചാര്‍ പ്രിയരഞ്ജന്‍ലാല്‍മാര്‍ക്ക്‌ ഇവനാണ്‌ മാങ്ങകളില്‍ ഗുരുവായൂര്‍ പദ്മനാഭന്‍. അച്ചാര്‍ പാര്‍ട്ടികള്‍ക്ക്‌ പിടി കൊടുക്കാതെ പഴുത്തുമൂത്തുകിട്ടിയാല്‍ ഈ ഇത്തിരിക്കുഞ്ഞന്‍ വായില്‍ നെഹ്രുട്രോഫി നടത്തും

2007-05-18T19:05:00.000+05:30

ബ്ലാക്ക്‌ ആന്റ്‌ വൈറ്റ്‌ ആല്‍ബത്തില്‍ നിന്നും കാണാതാവുന്ന കുട്ടി

"hide and seek"

the digital image by B Priyaranjanlal that won 8 th position in the International Adobe Digital Imaging Competition conducted by Photoworkshop.com.

അഡോബി ഇന്റര്‍നാഷനല്‍ ഇമേജിംഗ്‌ കോമ്പെറ്റിഷനില്‍ സമ്മാനാര്‍ഹമായ സൃഷ്ടി.

"പഴയ ആല്‍ബങ്ങളിലൂടെ കടന്നുപോവുമ്പോള്‍ വിചിത്രമായ ഒരു കാര്യം എന്റെ ശ്രദ്ധയില്‍പ്പെട്ടത്‌.

എല്ല) ഫോട്ടൊകളിലും എന്റെ എക്സ്പ്രെഷന്‍ ഒന്നുതന്നെയായിരുന്നു.

ഒരു തരം ഭയത്തോടെ ഞാന്‍ ക്യാമറയിലേക്ക്‌ തുറിച്ച്‌ നോക്കിക്കൊണ്ടിരിക്കുകയാണ്‌.

ക്യാമറയെ അഭിമുഖീകരിക്കുന്നത്‌ എനിക്ക്‌ ഇപ്പോഴും വെറുപ്പുണ്ടാക്കുന്ന കാര്യമാണ്‌."

ബി.പ്രിയരഞ്ജന്‍ലാല്‍

പഴയ ആല്‍ബം ഫോട്ടൊയില്‍ നിന്നും സ്വയം മായ്ച്ചുകളഞ്ഞ്‌ പ്രിയന്‍ അഡോബ്‌ നടത്തിയ രാജ്യാന്തര ഇമേജിംഗ്‌ മത്സരത്തില്‍ 8-ാ‍ം സ്ഥാനം നേടി

ലിങ്കുകള്‍:

പ്രിയരഞ്ജന്‍ലാലിന്റെ ചിത്രങ്ങളെക്കുറിച്ച്‌ സി. എസ്‌. വെങ്കിടേശ്വരന്‍ എഴുതിയത്‌.

ഉഷാരാമചന്ദ്രന്റെ ബ്ലോഗ്‌ പോസ്റ്റ്‌.

ഹിന്ദു പത്രത്തില്‍.

2007-05-16T19:48:00.000+05:30

ഇലകള്‍ മഞ്ഞ
തളിരുകള്‍ പച്ച

2007-05-15T13:54:00.000+05:30

ഇവള്‍ ഇത്തവണ വൈകി

മെയ്‌ മാസപുഷ്പം

2007-05-14T11:43:00.000+05:30

രണ്ട്‌ പച്ചയ്ക്കിടയില്‍ ഒരു ആടിന്റെ എകാന്തത (ഹൊ! ഉദാത്തം.. ചിന്തോദ്ദീപകം..)

2007-05-11T12:27:00.000+05:30

മേഘങ്ങളേ...കീഴടക്കുവിന്‍!

2007-05-10T17:54:00.000+05:30

ഇതുപോലൊരു കാട്ടില്‍

പണ്ട്‌ ഞങ്ങടെ കാവില്‍ ഇതുപോലൊരാലുണ്ടായിരുന്നു. അതില്‍ മലമ്പാമ്പുകള്‍ ചുറ്റിപ്പിണഞ്ഞ പോലെ നിറയെ കൂറ്റന്‍ വള്ളികളും. രാത്രിയിലാണ്‌ യക്ഷികളും പ്രേതങ്ങളും വസൂരി വന്നു മരിച്ചുപോയ വെളിച്ചപ്പാടിന്റെ ചിലങ്കയും ആ വള്ളികളില്‍ ഊഞ്ഞാലാടി രസിക്കുന്നത്‌. പകല്‍ മുഴുവന്‍ അത്‌ ഞങ്ങള്‍ കുട്ടികള്‍ക്കുള്ളതാണ്‌. ആ വള്ളിയൂഞ്ഞാലുകള്‍ ഒരു ഉത്സവകാലത്ത്‌ വെട്ടിയഴിച്ചിട്ടു; അഞ്ച്‌ ആനകളെ ഒരുമിച്ച്‌ എഴുന്നള്ളിക്കാന്‍ സ്ഥലം കണ്ടെത്താന്‍ കമ്മിറ്റിക്കാര്‍ വേറെ വഴിയൊന്നും കണ്ടില്ല. കാവ്‌ അമ്പലവും അമ്പലം ക്ഷേത്രവുമൊക്കെയായി. ഉത്സവങ്ങള്‍ പൂര്‍വാധികം ഭംഗിയായി. ആലിനു ചുറ്റും തറയായി. വള്ളികള്‍ എന്നെന്നേക്കുമായി അപ്രത്യക്ഷമായി.

ഞങ്ങള്‍ കുട്ടികളല്ലാതായി.

പാവം യക്ഷികള്‍ ഇപ്പോള്‍ എന്തെടുക്കുകയാവും?

ചിത്രം: ചന്ദനക്കാടുകളുടെ മറയൂരില്‍ നിന്നും...വള്ളിയില്‍ ആടിത്തിമര്‍ക്കുന്ന ആ പയ്യനെക്കണ്ടപ്പോള്‍ അസൂയകൊണ്ടെനിക്ക്‌ നില്‍ക്കാന്‍ വയ്യാതായി.

2007-04-27T16:28:00.000+05:30

ഉയരും ഞാന്‍ നാടാകെ

2007-04-26T13:14:00.000+05:30

മനോജിന്റെ പെയിന്റിംഗ്‌ മനോജിന്റെ ഒരു രചന

തൃശ്ശൂര്‍ ഫൈന്‍ ആര്‍ട്‌ സ്‌ കോളെജിലെ അധ്യാപകനായ പി കെ മനോജ്‌ തന്റെ പെയ്ന്റിംഗുകളുടേയും ഫോട്ടൊകളുടെയും ബ്ലോഗ്‌ തുടങ്ങിയിരിക്കുന്നു.

വര്‍ഷങ്ങള്‍ക്കു ശേഷമാണ്‌ മനോജിനെ കണ്ടുമുട്ടുന്നത്‌. അതും ബ്ലോഗില്‍.

എല്ലാവരേയും മനോജിന്റെ രചനാലോകത്തേക്ക്‌ ക്ഷണിക്കുന്നു.
http://pkmanoj.blogspot.com

2007-04-17T14:01:00.000+05:30

summer rain

2007-04-16T14:49:00.000+05:30

first drops in summer

2007-04-14T13:48:00.000+05:30

fire in Mittayi Theruvu, Calicut.
april 5 thursday 2007

photographs taken by
V C AJILAL
Photographer, Varthamanam Daily, Calitut.

മിഠായിത്തെരുവിലെ തീ
2007 ഏപ്രില്‍ 5 വ്യാഴം
ചിത്രങ്ങള്‍: അജിലാല്‍
ഫൊട്ടൊഗ്രഫര്‍, വര്‍ത്തമാനം

2007-04-09T13:18:00.000+05:30

വെള്ളത്തില്‍ വീടുവെച്ചിരുന്നെങ്കില്‍! വേനല്‍ക്കിനാവുകള്‍-മൂന്ന്:
ചൂട്‌!
അതിനെക്കുറിച്ചാണ്‌ ഇപ്പോള്‍ എല്ലാവരും സംസാരം തുടങ്ങുന്നത്‌. വെള്ളത്തില്‍ ഒരു കൂര പണിതിരുന്നെങ്കില്‍ എന്നു ആരും ആശിച്ചുപോകുന്ന കാലം.
ചിത്രം: കൊച്ചി, ഞാറയ്ക്കല്‍ .

2007-04-06T16:51:00.000+05:30

വേനല്‍ കിനാവുകള്‍-2 ഒരുമിച്ചൊരു കുളി ^ better seen in large view ^

ചിത്രങ്ങള്‍ ഫ്ലിക്കറില്‍
collage made using picasa

2007-04-06T15:48:00.000+05:30

വേനല്‍ കിനാവുകള്‍

http://www.keralaonlive.com/snaps.asp?page=2

2007-04-05T15:23:00.000+05:30

റാകിപ്പറക്കാത്ത ചെമ്പരുന്തുകള്‍

കൊച്ചിയില്‍ നിന്നും അര മണിക്കൂര്‍ ബോട്ടുദൂരത്തില്‍ ഞാറയ്ക്കല്‍ ഉള്ള ഒരു റിസോര്‍ട്ടിലാണ്‌ ഈ ചെമ്പരുന്തിനെ കണ്ടത്‌. ഒരു ഒട്ടുമാവിന്റെ താഴ്‌ന്ന ചില്ലയില്‍.

പടം പിടിക്കുന്ന സൂത്രം പുറത്തെടുത്തല്‍ സുന്ദരി പരന്നു കളയുമോ എന്നായിരുന്നു പേടി. അതുകൊണ്ട്‌ കുറച്ചുനേരം വായ്‌ നോക്കി നിന്നു. കണ്ണടയ്ച്ചുകാണിച്ചു. നല്ല റെസ്പോന്‍സ്‌!! കുറച്ചുകൂടി അടുത്തേക്ക്‌ നീങ്ങിനിന്നു... കുഴപ്പമില്ല.. വളയുന്ന കൂട്ടത്തിലാണെന്നു തോന്നുന്നു. മൊബെയിലില്‍ ഒരു ഒളിഷോട്ട്‌ എടുക്കണോ അതൊ നേരിട്ടു പോയി ചോദിക്കണോ?

കുറച്ചുകൂടി അടുത്തേക്കു നീങ്ങി നിന്നു. സുന്ദരിക്കു അനക്കമില്ല. കഴുത്തു മാത്രം തിരിക്കുന്നുണ്ട്‌. പിന്നേയും അടുത്തു, ക്യാമറ എടുത്തു. വ്യൂഫൈന്ററില്‍ സുന്ദരിക്ക്‌ ഒരു ദു:ഖച്ചായ. കാര്യം അന്വെഷിച്ചപ്പോഴാണ്‌ ദു:ഖം അണപൊട്ടിയത്‌.

ഇതു റാകിപ്പറക്കാത്ത ചെമ്പരുന്താണ്‌. റിസോര്‍ട്ടിലെ പ്രദര്‍ശന വസ്തു. ചിറകെല്ലാം അരിഞ്ഞ്‌, വാലു മുറിച്ചിട്ട ജന്മം. കോഴിയെപ്പോലെ ചാടി നടക്കാം. ആകാശത്തിന്റെ നിലയില്ലാപ്പൊക്കത്തില്‍ അല്‍ഭുതപ്പെടുത്തുന്ന മെയ്‌വഴക്കത്തോടെ മേഘക്കീറുകളെ ചെത്തിയിറാങ്ങാന്‍ ഇതിനു കഴിയില്ല. ഈ റിസോര്‍ട്ടില്‍ ഇനിയുമുണ്ട്‌ ഇത്തരം നിരവധി റാകിപ്പറക്കാത്ത ചെമ്പരുന്തുകള്‍, നിശ്ശബ്ദ്മായി ഫോട്ടൊയ്ക്ക്‌ പോസ്‌ ചെയ്യുന്നവ.

കെ റ്റി ഡി സി യുടെ പരസ്യത്തില്‍ ചിരിച്ചു നില്‍ക്കുന്ന വള്ളക്കാരനെ ഓര്‍മ വന്നു.

2007-04-01T17:28:00.000+05:30

chennai vibes

and vibrations

2007-03-28T18:15:00.000+05:30

പഞ്ചവടിപ്പാലം കൊച്ചി, മറൈന്‍ ഡ്രൈവ്‌

2007-03-13T14:19:00.000+05:30

ഒരു പ്ലേറ്റ്‌ മാരുതി

ആലപ്പുഴ, ചേര്‍ത്തല ഭാഗങ്ങളിലെ നാടന്‍ കള്ളു ഷാപ്പുകളില്‍ മാരുതിക്ക്‌ നല്ല ഡിമാന്റാണ്‌. ഏത്‌ മോഡലിനും ആവശ്യക്കാര്‍ ഉണ്ട്‌.

ഒരു പ്ലേറ്റ്‌ മാരുതി എന്നാണ്‌ ചോദിക്കേണ്ടത്‌.

ജീവിതത്തില്‍ ഒരു പക്ഷെ ആദ്യം കേട്ട കഥയില്‍ മുയലിനെ തോല്‍പിച്ച്‌ മാതൃകയായ വീരശിങ്കമാണ്‌ സ്വന്തം ഇറച്ചിക്കു പോലും കോപി റൈറ്റില്ലാതെ, എന്തിന്‌ സ്വന്തം ബ്രാന്റ്‌ നയിം പോലും നിഷേധിക്കപ്പെട്ട്‌...

കൂര്‍മാവതാരത്തിന്റെ ഇറച്ചിക്ക്‌ വില അല്‍പം കൂടുതലാണ്‌. നിയമത്തിന്‌ മേലെ കൊതി പറക്കുമ്പോള്‍ ഉണ്ടാകുന്ന രൂപയുടെ മൂല്യശോഷണം. ആമയിറച്ചി വില്‍ക്കരുത്‌, കൊടുക്കരുത്‌, തിന്നരുത്‌ എന്നൊക്കെ നിയമവും കുന്തവുമൊക്കെയുണ്ടെങ്കിലും അതൊന്നും ആര്‍ത്തിക്കു തടസ്സമല്ല. കള്ളുകുടിക്കാര്‍ മാത്രമല്ല, വീടുകളിലേയ്ക്ക്‌ പാഴ്സലായും മാരുതി ഇഷ്ടം പോലെ യാത്രചെയ്യുന്നുണ്ടത്രെ. ഇഴയാന്‍ മാത്രം അറിയുന്ന ഈ പാവങ്ങള്‍ക്കും ഓടാന്‍ മാത്രം അറിയുന്ന മുയലുകളുടെ ദുര്‍ഗ്ഗതിയായിപ്പോയി.

(ഞനൊരു മൃഗസ്നേഹിയൊ മേനകാ ഗാന്ധിയോ ഒന്നുമല്ല. സാമാന്യം ഭേദപ്പെട്ട ഒരു മാംസഭോജിയാണ്‌. തിരിച്ചുകടിക്കാത്തതെന്തും കഴിക്കും എന്ന ക്ലീഷെ ഇടയ്ക്കിടെ എടുത്തുപയോഗിക്കാറുമുണ്ട്‌. പക്ഷെ തെങ്ങില്‍ കെട്ടിയിട്ടിരിക്കുന്ന ഈ ആമയെക്കണ്ടപ്പോള്‍ എന്തൊ ഒരു വല്ലായ്മ.)

ചിത്രങ്ങള്‍: എറണാകുളത്തിനടുത്തുള്ള ഞാറയ്ക്കല്‍ പൊക്കാളിപ്പാടങ്ങള്‍ക്കരികെ നിന്ന് എടുത്തത്‌. കൊയ്ത്ത്‌ കണ്ടു നടക്കുമ്പോഴാണ്‌ തൈത്തെങ്ങില്‍ കയറിയിരിക്കുന്ന ആമയെക്കണ്ടത്‌. മരംകേറുന്ന കൂര്‍മ്മബുദ്ധിയെ അടുത്തുകാണാന്‍ ചെന്നപ്പോഴാണ്‌ അനിരുദ്ധന്‍ ബന്ധനസ്ഥനാണ്‌ എന്നറിഞ്ഞത്‌. കൊയ്ത്തുകാര്‍ക്ക്‌ രാവിലെ കിട്ടിയതാണ്‌. സന്ധ്യ വരെ പാവം തെങ്ങില്‍ വെയിലത്ത്‌..

"പണ്ടൊക്കെ ഇഷ്ടം പോലെ കിട്ടുമായിരുന്നു.. ഇപ്പൊ അധികം കാണാറില്ല.." കൊയ്ത്തുകാരിലൊരാള്‍ ഞങ്ങളുടെ കൗതുകം കണ്ട്‌ പറഞ്ഞു.

എങ്ങനെ കിട്ടും...എല്ലാം മോഡല്‍ മാറി മാരുതിയായില്ലെ! :(

2007-03-08T17:38:00.000+05:30

വിളക്കുകാലിന്റെ നീതിബോധം

ഇന്ത്യന്‍ ഭരണഘടനയെക്കുറിച്ച്‌ കേട്ടറിവ്‌ മാത്രമെ ഉള്ളു എന്നത്‌ ഇതു വരെ എനിക്ക്‌ ഒരു കിരുകിരുപ്പ്‌ ഉണ്ടാക്കിയിരുന്നു. ഇത്രയും മഹത്തായ ഭരണഘടന ലോകത്തൊരിടത്തും ഇല്ലെന്നു കേള്‍ക്കുമ്പോഴൊക്കെ അതിലുള്ള അജ്ഞത എന്നെ കുത്തിനോവിക്കുമായിരുന്നു.

പക്ഷെ ഇന്നു രാവിലെ പത്രം വായിച്ചപ്പോള്‍ ആ കുറ്റബോധം മാറിക്കിട്ടി. അഴിമതിക്കാരെ വിളക്കുകാലില്‍ തൂക്കിലിടണം എന്ന സുപ്രീം കോടതി പരാമര്‍ശം ആണ്‌ എന്ന മഹത്തായ കുറ്റബോധത്തില്‍ നിന്നും രക്ഷിച്ചത്‌.

ചൈനയിലേക്ക്‌ നോക്കൂ, അവിടെ 2004 ല്‍ 4000 പേരെ അഴിമതിക്കുറ്റത്തിന്‌ തൂക്കിലേറ്റി എന്ന് ഹര്‍ഷോന്മാദത്തോടെ ബഹു. സുപ്രീം കോടതി ഓര്‍മിക്കുന്നു. ജഡ്ജിയാവുന്നെങ്കില്‍ ചൈനയിലെങ്ങാന്‍ ജനിക്കണമായിരുന്നു എന്ന ഒരു നഷ്ടബോധം ബഹു. കോടതിക്കു തോന്നിയിരിക്കണം!

ഒരു വര്‍ഷം 4000 പേരെ അഴിമതിക്കേസില്‍ മാത്രം തൂക്കിലിടുന്നതിന്റെ രസം ഒന്നു വേറെ തന്നെയായിരിക്കും! എന്നു ആത്മഗതം.

എതായാലും ഇന്ത്യന്‍ ഭരണഘടന അരച്ചു കലക്കിക്കുടിച്ച ജഡ്ജിമാര്‍ തന്നെ ഇങ്ങനെ പറയുന്ന കാലത്ത്‌ ഭരണഘടന വായിക്കാതിരുന്നതു എത്ര നന്നായി എന്നു തോന്നുന്നു.

2007-02-27T12:52:00.000+05:30

ഇനി വരും വേനല്‍..

2007-02-26T11:46:00.000+05:30

ഓസ്കാര്‍ ചര്‍ച്ച
ഓസ്ക്കാര്‍ അവാര്‍ഡുകള്‍ പതിവുപോലെ പ്രഖ്യാപിച്ചു.പെനലൊപ്‌ ക്രൂസിനു അവാര്‍ഡു കിട്ടാത്തതിലെ അമര്‍ഷം ഞാന്‍ മറച്ചുവെക്കുന്നില്ല. കാരണം നോമിനേറ്റ്‌ ചെയ്യപ്പെട്ട ചിത്രങ്ങളില്‍ വോള്‍വര്‍ മാത്രമെ ഞാന്‍ കണ്ടിട്ടുള്ളൂ.എങ്കിലും ഓസ്കാര്‍ ചര്‍ച്ച പതിവുപോലെ ഗംഭീരമായി നടന്നു. അറിയുന്നതും അറിവില്ലാത്തതുമായ നിരവധി കാര്യങ്ങളില്‍ അഭിപ്രായം പറഞ്ഞു. അതിനിടയില്‍ എന്റെ സുഹൃത്ത്‌ പ്രിയന്റെ ഒരു ചോദ്യം:
നമ്മുടെ അറ്റ്‌ലസ്‌ രാമചന്ദ്രനുണ്ടോ ഓസ്കാര്‍?

2007-02-25T16:56:00.000+05:30

ഒരു കൂണിന്റെ തണല്‍

2007-02-25T16:06:00.000+05:30

വിളക്കുമരമേ..

2007-02-19T15:33:00.000+05:30

ലാപ്‌ ടോപും വെടിയുണ്ടയും

എല്ലാരും ചൂടു പിടിപ്പതു ചര്‍ച്ചയിലാണ്‌.
പിണറായിക്കെന്തിനാ തുപ്പാക്കി?

എന്റെ സംശയം മറ്റൊന്നാണ്‌.

അല്ലപ്പാ നമ്മടെ പിണറായിക്കെന്തിനാ ലാപ്‌ ടോപ്‌?

2007-01-31T14:10:00.000+05:30

ചക്കും കൊക്കും ഒന്നായിപ്പോയല്ലൊ സഖാവെ!

"എ ഡി ബി എന്തു ചെയ്യുന്നു" എന്ന പുസ്തകം പ്രസിദ്ധീകരണത്തിന്റെ നാലാം മാസത്തില്‍ രണ്ടാം പതിപ്പ്‌ ഇറങ്ങി. (കാര്യവട്ടം യൂണിവേഴ്സിറ്റി കാമ്പസിലെ ഗവേഷകരായ എസ്‌ മുഹമ്മദ്‌ ഇര്‍ഷാദും ആര്‍ സുനിലും ചേര്‍ന്നാണ്‌ പുസ്തകം രചിച്ചത്‌) എ ഡി ബി മൂന്നാം ലോകരാഷ്ട്രങ്ങളില്‍ നടപ്പിലാക്കിക്കൊണ്ടിരിക്കുന്ന രഹസ്യവും പരസ്യവുമായ അജണ്ടകളെ ഈ പുസ്തകം തുറന്നുകാട്ടുന്നു. അതുകൊണ്ടുതന്നെയാവണം മാധ്യമങ്ങളില്‍ നിന്നും പൊതുജനത്തില്‍ നിന്നും പുസ്തകത്തിനു നല്ല പ്രതികരണം ലഭിച്ചത്‌. ടി. പുസ്തകം കേരളത്തിലെ മിക്കവാറും എല്ലാ ബുക്സ്റ്റാളുകളിലും ലഭ്യമാണ്‌, ദേശാഭിമാനിയില്‍ ഒഴികെ. "പാര്‍ട്ടിക്കെതിരെയുള്ള പുസ്തകമൊന്നും ഇവിടെ വെയ്ക്കാന്‍ നിര്‍വാഹമില്ല"

ഈ പുസ്തകവുമായി ദേശാഭിമാനിയെ സമീപിച്ചപ്പോള്‍ ലഭിച്ച പ്രതികരണം ഇങ്ങനെയായിരുന്നുവെന്ന് എന്റെ സുഹൃത്തും എഴുത്തുകാരില്‍ ഒരാളുമായ ഇര്‍ഷാദ്‌ പറയുന്നു.

"ഇതു പാര്‍ട്ടിക്കെതിരല്ല പക്ഷെ ഏ ഡി ബിയ്ക്ക്‌ എതിരാണ്‌ എന്നു സമ്മതിക്കുന്നു."

ഈ സംഭവം കേട്ടപ്പോള്‍ എനിക്ക്‌ ഓര്‍മ വന്നത്‌ അപ്പുക്കുട്ടന്‍ വള്ളിക്കുന്ന് വെളിപ്പെടുത്തിയ മറ്റൊരു അനുഭവം ആണ്‌. ഇക്കഴിഞ്ഞ നിയമസഭാ തെരഞ്ഞെടുപ്പിന്‌ തൊട്ടുമുന്‍പ്‌ കേരളത്തിലെ നാല്‍പത്‌ സാംസ്കാരിക പ്രമുഖരും എഴുത്തുകാരും ഒരു സംയുക്ത പത്രപ്രസ്താവന ഇറക്കി. തെരഞ്ഞെടുപ്പില്‍ ഇടതു മുന്നണിയെ വിജയിപ്പിക്കണമെന്നായിരുന്നു പ്രസ്താവന. ഈ പ്രസ്താവന പ്രസിദ്ധീകരിക്കാതിരുന്ന ഏക മലയാള പത്രം ദേശാഭിമാനിയായിരുന്നു. ഇടതു മുന്നണിയെ വിജയിപ്പിക്കുക വഴി കേരളത്തിലെ വോട്ടര്‍മാര്‍ ചെയ്തത്‌ ഏറ്റവും വലിയ പാര്‍ട്ടി വിരുദ്ധ പ്രവര്‍തതനമായിപ്പോയി.

എ ഡി ബിയെ പറഞ്ഞാലും കൊള്ളുന്നത്‌ പാര്‍ട്ടിക്കുതന്നെ. ചക്കും കൊക്കും ഒന്നായിപ്പോയല്ലൊ സഖാവെ!

2007-01-31T12:26:00.000+05:30

fishing dance
this is the first time i try out collage in picasa. its a cool tool!

2007-01-25T12:14:00.000+05:30

waiting the dawn!

january 24, alappuzha Nehru trophy finishing point.

2007-01-16T12:56:00.000+05:30

chimmony dam, thrissur

2006-12-31T13:33:00.000+05:30

DEVIL STILL ALIVE He hanged his former colleague. He slept when saddam walked up brave to the noose. saddam listened to his hangman with respectable calm. But the president of the world's Super Power, ran away and hid himself when the twin towers crumbled!
Brave, isn't he?!

"The imperialists see extremists everywhere.

It's not that we are extremists. It's that the world is waking up.

It's waking up all over. And people are standing up.
I have the feeling, dear world dictator, that you are going to live the rest of your days as a nightmare because the rest of us are standing up, all those who are rising up against American imperialism, who are shouting for equality, for respect, for the sovereignty of nations."

2006-12-29T16:18:00.000+05:30

തുമ്പി നിറയെ..

2006-12-28T15:31:00.000+05:30

അത്യുന്നതങ്ങളില്‍

2006-12-28T15:28:00.000+05:30

തിരുപ്പിറവിക്കു ശേഷം

2006-12-23T14:46:00.000+05:30

seeing is...

2006-11-30T15:36:00.000+05:30

നോങ്ങല്ലൂര്‍ ജൈവഗ്രാമം

നോങ്ങല്ലൂരില്‍ ഒരു രാത്രി തങ്ങി. കുന്നംകുളത്തുനിന്നും പത്ത്‌ കിലോമീറ്റര്‍ അകലെ ആണ്‌ നോങ്ങല്ലൂര്‍, നെല്‍പ്പാടങ്ങളും മയില്‍ക്കൂട്ടങ്ങളും തലക്കുളങ്ങളും അവശേഷിക്കുന്ന, പഴകിയ വഴികളുമുള്ള ഒരു നാട്‌.

എന്റെ സുഹ്രുത്തും കേരളീയം പത്രത്തിന്റെ എഡിറ്ററുമായ പ്രമോദിന്റെ ആതിഥേയത്വം. രാത്രി മണ്‍സൂണ്‍ തകര്‍ത്തുപെയ്തു. രാവിലെ മയിലുകളുടെ അസുഖകരമായ കൂവല്‍ കേട്ടുണര്‍ന്നു. മഴ ഇടയ്ക്കിടെ പെയ്തുതോര്‍ന്നു. പാടത്തിനിടയിലൂടെ മഴ പെയ്തുണര്‍ത്തിയ നീര്‍ച്ചാലുകളിലൂടെ ഒരു നടത്തം. പ്രമോദിനും കുടുംബത്തിനും കുറച്ച്‌ നെല്ലുണ്ട്‌, ജൈവകൃഷി രീതികള്‍ പിന്‍പറ്റുന്ന കുറച്ച്‌ പറ നിലം. ചുറ്റുമുള്ള പാടങ്ങള്‍ അധികവും തരിശിട്ടിരിക്കുകയാണ്‌. നെല്‍കൃഷി പാപമാണെന്ന തോന്നല്‍ കൊണ്ടൊന്നുമല്ല നാട്ടുകാര്‍ ഇത്‌ തരിശിട്ടിരിക്കുന്നത്‌.
മേലാഞ്ഞിട്ട്‌,
ഒക്കാഞ്ഞിട്ട്‌.
പാങ്ങില്ലാഞ്ഞിട്ട്‌.
റിയല്‍ എസ്റ്റേറ്റ്‌ ബൂം നഗരാതിര്‍ത്തികളും കടന്ന് ഈ ഗ്രാമത്തിലും എത്തിയിരിക്കുന്നു. പ്രലോഭനങ്ങള്‍ തടുക്കാന്‍ മാത്രം ശക്തരല്ല നാട്ടുകാര്‍.

പക്ഷെ, പ്രമോദിന്‌ ഒരു ആഗ്രഹം ഉണ്ട്‌. ഈ ചെറിയ തുണ്ടെങ്കിലും ബാക്കിനിര്‍ത്തണം. ഈ പാടം, തോടുകള്‍,തലക്കുളങ്ങള്‍, അടുത്തു തന്നെയുള്ള ഒരു കാവ്‌...മയിലുകള്‍..

അതൊരു റൊമാന്റിക്‌ ഏര്‍പ്പാടല്ലെ, പ്രമോദെ?
ആയിരിക്കാം...പക്ഷെ, കുറെ നാള്‍ കഴിയുമ്പോള്‍ കുട്ടികള്‍ക്കു കാണിച്ചു കൊടുക്കാനെങ്കിലും ഒരു ഗ്രാമം നിലനില്‍ക്കേണ്ടേ?,ഒരു ലൈവ്‌ മ്യൂസിയം!
ഈ ഉത്തരവുമായി പ്രമോദ്‌ നിരവധി ചങ്ങാതിമാരെ സമീപിച്ചു. അവര്‍ മുപ്പതുപേരായി. വില്‍ക്കനിട്ടിരുന്ന വൃക്ഷനിബിഡമായ കാവ്‌ അവര്‍ വാങ്ങി. അതിനി താനെ വളര്‍ന്നു പടരട്ടെ എന്നു തീരുമാനിച്ചു. കണ്‍സര്‍വേഷന്റെ ഒരു സ്വകാര്യ പരീക്ഷണം.
അതില്‍ നിന്ന് പാടത്തേക്ക്‌ തിരിഞ്ഞു. ഇപ്പോള്‍ ആരെക്കണ്ടാലും പ്രമോദിന്‌ ഒരു ചോദ്യമുണ്ട്‌. 'മാഷെ, ഒരു പറ നെലമുണ്ട്‌, നമുക്കങ്ങു വാങ്ങിയാലൊ'
പൊതു ഉടമസ്ഥതയില്‍ ഒരു ജൈവഗ്രാമം ഇവിടെ തളിര്‍ക്കുകയാണ്‌, കുറച്ച്‌ പേരുടെ മനസ്സിലെങ്കിലും.

എങ്കിലും എന്റെ മനസ്സില്‍ ചോദ്യങ്ങള്‍ ബാക്കിയുണ്ടായിരുന്നു. ഒരു ഗ്രാമത്തിനു പ്രകൃതി മാത്രമായി നിലനില്‍ക്കനാവുമൊ? ഗ്രാമത്തിന്റെ മൂല്യങ്ങള്‍ എന്നത്‌ (എന്നെ സംബന്ധിച്ചിടത്തോളം അസഹനീയമാണ്‌) ഏറിയ പങ്കും നഗരത്തിന്റെ ഗൃഹാതുര നിര്‍മ്മിതി ആണ്‌ അത്‌. ഗ്രാമം പുതിയ സാമ്പത്തിക ബന്ധങ്ങളില്‍,പുതിയ സങ്കെതിക സാധ്യതകള്‍ നിരര്‍ഥകമാക്കിയ പഴയ മൂല്യവിചാരങ്ങളുടെ പരിസരങ്ങളിള്‍, സ്വതന്ത്ര ഇടങ്ങളില്‍, എങ്ങനെ നിലനില്‍ക്കും? ജൈവഗ്രാമം പ്രാദേശിക ടൂറിസ്റ്റിന്റെ ഗൃഹാതുരതകളെ മാത്രമാണൊ തഴുകിയുണര്‍ത്തുക?

ചോദ്യങ്ങള്‍ ഉള്ളില്‍ നിറഞ്ഞു കലഹിക്കുന്നതിനിടയില്‍ വള്ളിപ്പടര്‍പ്പുകള്‍ക്കിടയില്‍ നിന്നും ഒരു ആണ്‍മയില്‍ പറന്നുയര്‍ന്ന് ദൂരെ ഒരു പരുത്തിമരത്തിന്റെ ഉച്ചിയിലേക്ക്‌...ക്യാമറ വേണ്ടത്ര തയ്യാറെടുത്തിരുന്നില്ല. എങ്കിലും വെറുതെ ക്ലിക്ക്‌ ചെയ്തതില്‍ മനോഹരന്‍ പാറിപ്പതിഞ്ഞിരുന്നു, അവ്യക്തമായിട്ടാണെങ്കിലും.

എന്റെ ചോദ്യങ്ങള്‍ക്കുമീതെ മറ്റൊരു പ്രശ്നം ഉയര്‍ന്നു പൊങ്ങി. "എന്നാണു ഞാന്‍ ജൈവഗ്രാമം പ്രോജ്ക്റ്റിന്റെ ഭാഗമാവാന്‍ വേണ്ട പണം സ്വരൂപിക്കാന്‍ തുടങ്ങുക? ഒരു പറ നിലത്തില്‍ എന്റെ പങ്ക്‌..."

.....................
ജൈവഗ്രാമത്തെക്കുറിച്ച്‌ അറിയാന്‍ താല്‍പര്യപ്പെടുന്നവര്‍ ബന്ധപ്പെടുക
പ്രമോദ്‌: 9447674375

2006-11-29T11:21:00.000+05:30

green well

my flickr pix

2006-11-29T11:06:00.000+05:30

the color Blue

it always happens to me. when ever i come across a wonderful opportunity, i wont be able to shoot it. here also,my camera ran out of charge and i had to capture it in my mobile and so couldnt capture the real beauty in its wonderful nuances.

2006-11-02T11:21:00.000+05:30

KERALA 50/50

2006-10-30T13:56:00.000+05:30

dancing in the mist

2006-10-30T13:42:00.000+05:30

Iravikulam national park. in mist and rain!

2006-08-25T16:08:00.000+05:30

പുതിയ വക്കാലത്തുകാര്

‍വീട്ടില്‍ കാശും വീരേന്ദ്രമേനോനും(ഉഗ്രവിഷമുള്ള ഒരു ക്രിമിനല്‍ വക്കീല്‍ ആകുന്നു ഈ വീരന്‍) ഉണ്ടെങ്കില്‍ ആരെയും കാച്ചാം എന്ന് തൃശ്ശൂര്‍ ദേശത്ത്‌ ഇന്നും നിലനില്‍ക്കുന്ന ഒരു വിശ്വാസമാണ്‌. ഇത്‌ ഒരു അന്ധവിശ്വാസമാണെന്ന് നാളിതുവരെ ബഹു.കോടതികള്‍ വിധിച്ചിട്ടില്ല.വീരേന്ദ്രമേനോന്‍ എന്നതു ഒരു പ്രതിനിധി മാത്രമാണ്‌. പേരു മാത്രമെ മാറുന്നുള്ളൂ എന്നര്‍ത്ഥം. വീരനു പകരം ആരുമാവാം. രക്ഷകന്‍ അരുണ്‍ ജെയ്റ്റിലിയുടെയൊ, രാംകുമാറിന്റെയൊ രാംജെട്ട്‌ മലാനിയുടെയൊ രൂപത്തിലും വരാം. സിറ്റിങ്ങിനു ലക്ഷങ്ങള്‍ മറിക്കണമെന്നു മാത്രം. സ്വാശ്രയ നിയമം സംബന്ധിച്ച കേസില്‍ മാനേജ്‌മെന്റിനുവേണ്ടി വക്കാലത്ത്‌ ഇനത്തില്‍ മറിയുന്നത്‌ കോടികള്‍(150 കോടി) തന്നെയാണത്രെ. കേസില്‍ കക്ഷിചേര്‍ന്നിട്ടുള്ള ഒരു വിദ്യാര്‍ത്ഥി സംഘടന വക്കീല്‍ ഫീസിനായി നീക്കി വെച്ചിരിക്കുന്നതു 50 ലക്ഷം. (സ്രോതസ്സുകള്‍ വിശ്വസിനീയം: കുതിരമുഖത്തുനിന്നു തന്നെ.)

.....വാദവും പ്രതിവാദവും ജയിക്കട്ടെ.
നിയമവാഴ്ച നീണാല്‍ വാഴട്ടെ.
നീതിയൊ? അതെന്താ...???

(ഇപ്പോള്‍ വക്കീലന്മാര്‍ക്കു മറ്റൊരു പണി കൂടിയുണ്ട്‌. സ്വന്തം കക്ഷികള്‍ക്കുവെണ്ടി പത്രസമ്മേളനം നടത്തിക്കൊടുക്കുക. ഒരു പ്രൊഫെഷന്‍ എന്ന നിലയ്ക്ക്‌ ഏതു സാമൂഹ്യവിരുധന്റെയും വക്കാലത്ത്‌ എടുക്കുന്നത്‌ മനസ്സിലാക്കാം. എന്നാല്‍ അവരുടെ പബ്ലിക്‌ റിലേഷന്‍സ്‌ കൂടി ഏറ്റെടുക്കുമ്പോള്‍ അഭിഭാഷകര്‍ കൂടി കുറ്റത്തില്‍ പങ്കാളിയാവുകയല്ലെ? തന്ത്രിയുടെ പത്രസമ്മേളനം നടത്തുന്ന അഡ്വ.രാംകുമാറിനെ കണ്ടപ്പോള്‍ ഒരു വിഗ്രഹം കൂടി അശുദ്ധമായി എന്നു പറഞ്ഞ സുഹൃത്തിനോട്‌ യോജിക്കാതിരിക്കാനായില്ല.)

2006-08-25T16:01:00.000+05:30

"മീഡിയം"
സാഗരിക ഘോഷിനെപ്പോലെ തന്നെയാണ്‌ അവരുടെ ഇംഗ്ലീഷും. സുന്ദരം. തട്ടും തടവും ഇല്ലാത്ത ഇംഗ്ലീഷ്‌. പക്ഷെ സുന്ദരമായ ഭാഷയ്ക്ക്‌ മറച്ചുവെയ്ക്കാനാവാത്ത സാമൂഹ്യവിരുദ്ധത അവരുടെ സംഭാഷണങ്ങളെ വിരൂപമാക്കുന്നുവെന്ന് വീണ്ടും വീണ്ടും തെളിയുന്നു. ഇതു സഗരികയുടെ പ്രശ്നമായിരിക്കില്ല ഒരു പക്ഷെ. ഐ ബി എന്നും അതിന്റെ സി എന്‍ എന്‍ വല്ല്യേട്ടന്മാരും നിശ്ചയിച്ച പേച്ച്‌ പാടുന്ന കിളി മാത്രമായിരിക്കും അവര്‍. ടെലിവിഷന്‍ വാര്‍ത്തകള്‍ക്കിടയില്‍ നടക്കുന്ന ചര്‍ച്ചയെന്നു പേരിട്ടുവിളിക്കുന്ന വിചാരണ പലപ്പോഴും ഏകപക്ഷീയവും വാര്‍ത്ത അവതരകന്റെ/യുടെ ജനാധിപത്യ വിരുദ്ധതയുടെയും തെളിവാകുന്നത്‌ സ്തിരം സഹിക്കേണ്ടിവരുന്നു. വിചാരണയില്‍ പങ്കെടുക്കുന്നവര്‍ എന്തുതന്നെ പറഞ്ഞാലും സ്വന്തം തീര്‍പ്പുകള്‍ ഇവര്‍ നേരത്തെ തയ്യാറാക്കിയിട്ടുണ്ടാവും. സംവരണസമരം നടന്ന സമയത്ത്‌ ഐ ബി എന്‍ അടക്കമുള്ള മാധ്യമങ്ങളുടെ തനിനിറം വെളിവായി. "ഇന്ത്യയുടെ യുവത മുഴുവന്‍ തെരുവിലെ വെയിലില്‍ സമരം ചെയ്യുമ്പോള്‍ നിങ്ങള്‍ എന്തുകൊണ്ടു അവിടേക്കു തിരിഞ്ഞുപോലും നോക്കിയില്ല?" എന്നു ഹനുമന്തപ്പയോട്‌ സാഗരികയുടെ തീ പാറുന്ന ചോദ്യം. "ഇന്ത്യന്‍ യുവത മുഴുവന്‍" എന്നത്‌ ഡെീയിലെ കാശുള്ള തൊലിവെളുത്ത ചോക്ക്ലേറ്റ്‌ ഡോക്ടര്‍മാര്‍ എന്നു വായിക്കണം. അപ്പോത്തിക്കിരിപ്പിള്ളേരുടെ സമരം 24 മണിക്കൂറും 4 ആഴ്ചയും ആഘോഷിച്ച ചാനല്‍ സംവരണത്തെ അനുകൂലിച്ച്‌ രാജ്യവ്യാപകമായി നടന്ന സമരങ്ങളോ അവകാശ സമരങ്ങളോ കണ്ടില്ല. ഇന്നലെ ഐ ബി എന്നില്‍ ഇന്ത്യ 360. കേരളത്തിലെ കോള നിരോധനമായിരുന്നു വിഷയം. കോള നിരോധിച്ചാല്‍ തൊഴിലില്ലാതാവുന്നവരെപ്പറ്റിയുള്ള ആശങ്കയായിരുന്നു സാഗരികയ്ക്ക്‌ പ്രധാനം. സംസ്ഥാനത്തെ തൊഴിലില്ലാത്ത ചെറുപ്പക്കാരെക്കുറിച്ച്‌ അവര്‍ വാചാലയായി. കേരളത്തിലെ കോള ഫാക്റ്ററികളെല്ലാം പൂട്ടിപ്പോയാല്‍ എന്താവും സ്ഥിതി??കേരളത്തില്‍ ആകെ രണ്ട്‌ കോള ഫാക്റ്ററികളെ ഉള്ളൂ എന്ന് അവര്‍ക്കാരും പറഞ്ഞുകൊടുത്തിട്ടുണ്ടാവില്ല. ബഹുരാഷ്ട്ര കോളകള്‍ വന്നു വിപണി കീഴടക്കിയപ്പോള്‍ പൂട്ടിപ്പോയ നൂറുകണക്കിന്‌ ചെറുകിട ശീതള പാനീയ കമ്പനികളെക്കുറിച്ച്‌ ആരും വേവലാതിപ്പെട്ടു കണ്ടില്ല.ഒരു പരിസ്ഥിതി പ്രശ്നം എന്നതില്‍ നിന്നുമാറി ഇതൊരു രാഷ്ട്രീയവും ഐഡിയോളജിക്കലും ആയ പ്രശ്നമായി മാറുകയാണെന്നും അതാണു നിക്ഷ്പക്ഷരെ ആശങ്കപ്പെടുത്തുന്നതെന്നും അവരുടെ ടിപ്പണി. ബഹുരാഷ്ട്രകുത്തക കോളകളെ തങ്ങള്‍ രാഷ്ട്രീയ പ്രശ്നം തന്നെയായാണു കാണുന്നതെന്നും ഇതൊരു ഐഡിയോളജിക്കല്‍ പ്രശ്നം തന്നെയാണെന്നും പറഞ്ഞു മനസ്സിലാക്കാന്‍ ഡോ. സെബാസ്റ്റ്യന്‍ പോള്‍ ശ്രമം നടത്തിയപ്പോഴേക്കും സാഗരികയ്ക്കു സന്തോഷമായി. "ഒടുവില്‍ താങ്കള്‍ അത്രയെങ്കിലും സമ്മതിച്ചല്ലോ!!"* * *വെറുതെയല്ല ടെലിവിഷനെ "മീഡിയം" എന്നു വിളിക്കുന്നത്‌ (മീഡിയോകര്‍- എന്നാണു ശരിക്കും വിളിക്കേണ്ടത്‌.)

2006-08-08T18:41:00.000+05:30

എന്നെയങ്ങോട്ട്‌...
ഇന്നലെ ഒരു സാംസ്കാരിക പ്രവര്‍ത്തകനുമായി സംസാരിക്കാന്‍ വിധിക്കപ്പെട്ടു.
ചര്‍ച്ചയിലേക്കുള്ള വഴിതുറക്കാന്‍ ആയിരിക്കണം, ഇസ്റ്റന്‍ തുടങ്ങിയതു കേരളത്തിലിറങ്ങുന്ന ആനുകാലികങ്ങളുടെ ആധിക്യത്തെക്കുറിച്ചാണ്‌. ഏറ്റവും നല്ല വാരികകള്‍ ആയി ആ വടിവൊത്ത ഖദര്‍ധാരി കണ്ടെത്തിയത്‌ മാതൃഭൂമിയും മലയാളവും കലാകൗമുദിയും മാത്രം. മറ്റേതെങ്കിലും വാരിക കേട്ടു പരിചയമെങ്കിലും ഉണ്ടെന്നതിന്റെ അഹങ്കാരമൊന്നും സംസാരത്തിലോ ഭാവത്തിലോ ഉണ്ടായിരുന്നില്ല കേട്ടോ.
ഈയിടെ ഈ മാന്യദേഹം കൂടി ഉള്‍പ്പെട്ട ചങ്ങമ്പുഴ സാംസ്കാരിക വേദി അതു വര്‍ഷവും നല്‍ക്കാറുള്ള ചങ്ങമ്പുഴ പുരസ്കാരത്തിനായി കൃതികള്‍ ക്ഷണിക്കാന്‍ ഏതൊക്കെ ആനുകാലികങ്ങളില്‍ പരസ്യം കൊടുക്കണം എന്ന ചര്‍ച്ച വന്നപ്പോഴാണത്രെ കേരളത്തില്‍ ഇത്രയും ആനുകാലികങ്ങള്‍ ഉള്ള വിവരം അറിഞ്ഞ്‌ അദ്ദേഹം നടുക്കവും ദുഖവും മൂലം താറുമാറായത്‌.
ഒരു മുന്‍ കാല തടിവ്യവസായിയും- അടുത്ത ബന്ധു വനംവകുപ്പില്‍ ഉണ്ടായിരുന്നു- അതിലുണ്ടായ പെരുത്ത ലാഭം സഹിക്കവയ്യാതെ പില്‍ക്കാലത്ത്‌ അബ്കാരിപ്രവര്‍ത്തകനും ആയ നമ്മുടെ കഥാപാത്രം സര്‍വോപരി ഒരു സാംസ്കാരിക പ്രവര്‍ത്തകനും കൂടിയാണെന്ന അറിവ്‌ എന്നെ പുളകം കൊള്ളിച്ചു.
ആനുകാലികങ്ങളേയും സംസ്കാരത്തെയും ചങ്ങമ്പുഴ സമിതിയേയും കുറിച്ചുള്ള നിര്‍ത്താതെയുള്ള സംസാരത്തിനു തടയിട്ടില്ലെങ്കില്‍ എനിക്കും ചങ്ങമ്പുഴയുടെ മാര്‍ഗം സ്വീകരിക്കേണ്ടി വരുമെന്നായപ്പോള്‍ ഇടപെടേണ്ടി വന്നു.
"കഴിഞ്ഞ വര്‍ഷത്തെ പുരസ്കാരം ആര്‍ക്കായിരുന്നു?"
"3 വര്‍ഷം മുന്‍പാണ്‌ കൊടുത്തത്‌. ആര്‍ക്കാണെന്നു ഓര്‍മ്മയില്ല..പിന്നെ, ഇപ്പോ കവിതകള്‍ എഴുതുന്നവര്‍ കുറവല്ലെ.. ഞങ്ങള്‍ കവിതാ സമാഹാരത്തിനാണ്‌ കൊടുക്കുന്നത്‌..സമാഹാരങ്ങളൊന്നും, ഇറങ്ങുന്നില്ലെന്നെ..."
ഞാന്‍ എന്ന ജീവി അതിന്റെ ആത്മാവിനോട്‌ കെഞ്ചി: "എന്നെയങ്ങോട്ട്‌..."
....
ഇതിലെ കഥാപാത്രം സാങ്കല്‍പിതമല്ല. കൊച്ചിയില്‍ വരുന്ന എതൊരാള്‍ക്കും ടിയാനെ പരിചയപ്പെടുത്തുക എന്നത്‌ എന്റെ കടമയായി ഞാന്‍ കരുതുന്നു. ആത്മജ്ഞാനം എനിക്കുമാത്രം ഉണ്ടായാല്‍ പോരല്ലോ.

2006-07-24T11:06:00.000+05:30

ജലച്ചായം

marine drive, kochi.

2006-07-21T15:27:00.000+05:30

സ്വപ്നം കാണാതിരിക്കാന്‍
ഉറക്കം നിരോധിച്ച
എല്ലാ രാജാക്കന്മാര്‍ക്കും സ്തുതി.

ഉറങ്ങാതിരിക്കാന്‍ ഇരുട്ടു നിരോധിച്ചവര്‍ക്ക്‌..
സ്തുതിവചനങ്ങള്‍ മാത്രം കേള്‍ക്കാന്‍ വിധിക്കപ്പെട്ടവര്‍ക്ക്‌ സ്തുതി.

ഭൂമിയിലെ എല്ല്ലാ രാജാക്കന്മാര്‍ക്കും സ്തുതി.
നിങ്ങള്‍ എക്കാലവും ഇങ്ങനെയൊക്കെത്തന്നെ ആയിരിക്കുന്നതിന്‌.
നിങ്ങള്‍ നീണാല്‍ വാഴുന്നതിന്‌.

ജനാധിപത്യ ഇന്ത്യ കാത്തു സൂക്ഷിക്കാന്‍
പാടുപെടുന്ന എല്ലാ രാജകിങ്കരന്മാര്‍ക്കും സ്തുതി.
വിഢികളുടെ സ്വര്‍ഗത്തിലെ അപ്പോസ്തലന്മാര്‍ക്ക്‌ സ്തോത്രം.
വരും കാലം തീര്‍ച്ചയായും നിങ്ങളുടേതായിരിക്കില്ല.
അതുകൊണ്ട്‌ ഈ സ്തുതികള്‍ നിങ്ങള്‍ക്കായിരിക്കട്ടെ.

2006-07-15T11:20:00.000+05:30

വെയില്‍ച്ചില്ല

2006-07-15T11:14:00.000+05:30

മഴ തന്‍ മറ്റേതോ മുഖം

2006-07-13T11:26:00.000+05:30

നിശാഗന്ധി നീയെത്ര ധന്യ സുസ്മിതയായവള്‍ നിന്നൂമൂക നിഷ്പന്ദം
ഗന്ധര്‍വ ഗീതമുറഞ്ഞൊരു
ശില്‍പത്തില്‍ സൌന്‌ദര്യമായ്‌ വിടര്‍ന്നൂ...

പിന്‍നിലാവിറ്റിറ്റു വീണു..
കന്നിമണ്ണിനായാരോ ചുരന്ന നറുമ്പാലിലെങ്ങും
കരിനിഴല്‍പ്പാമ്പിഴഞ്ഞൂ..

കാലം നിമിഷശലഭങ്ങളായ്‌
നൃത്തലോലം വലം വെച്ചു നിന്നു

ഒ എന്‍ വി യുടെ വരികള്‍ക്ക്‌ ദേവരാജന്‍ ഈണം പകര്‍ന്നു മാധുരി പാടിയ ആ ഗാനം കേള്‍ക്കാന്‍ : http://www.raaga.com/channels/malayalam/movie/M0000481.html

2006-07-12T12:47:00.000+05:30

ടും..ടും..ടും
അതാ ഗ്ലാസ്സില്‍ ഒരു മുട്ട്‌..
ചെന്നു നോക്കിയപ്പോള്‍ ഒരു മരംകൊത്തി...
താമസിച്ചില്ല എടുത്തു ആയുധം.

ചില്ലിട്ടവാതിലില്‍ വന്നുനില്‍ക്കമൊ..എന്നു പാടിയതും ലവന്‍/ലവള്‍ പറന്നു പോയി...

2006-07-10T14:07:00.000+05:30

നാട്ടിന്‍പുറത്തെ മനോഹരമായ ഒരു കള്ളുഷാപ്പ്‌.കള്ളുഷാപ്പുകളെപ്പറ്റിയുള്ള ഗൃഹാതുര സ്മരണകളില്‍ ഭൂരിഭാഗവും കുട്ടനാടന്‍ ഷാപ്പുകളെപ്പറ്റി ഉപന്യസിക്കുന്ന എന്റെ സുഹൃത്തിന്‌ ഈ ത്രിശ്ശൂര്‍ ഷാപ്പിന്റെ കിടപ്പുകണ്ടിട്ട്‌ സഹിക്കുന്നില്ല.

2006-07-04T12:53:00.000+05:30

മഴ നിന്നാലും മരം പെയ്യും. മരം പെയ്ത്തു നിര്‍ത്തിയാലും പുല്‍നാമ്പുകളുടെ മഴക്കാല സ്വപ്നങ്ങള്‍ ഇറ്റുവീഴാതെ തിളങ്ങി നില്‍ക്കും.
("കണ്ണില്‍ത്തുള്ളി" "പുല്ലെണ്ണ" എന്നീ പേരുകളില്‍ അറിയപ്പെടുന്ന പുല്‍ച്ചെടി. പുല്ലെണ്ണയ്ക്കു കുമ്പിള്‍ കാട്ടരുത്‌ എന്നു പഴമൊഴിയുമുണ്ട്‌.)

2006-07-03T16:31:00.000+05:30

മഴയുടെ തന്ത്രികള്‍ മീട്ടിനിന്നാകാശം മൃദുലമായ്‌ ആര്‍ദ്രമായ്‌ പാടി.

2006-06-27T17:54:00.000+05:30

കറുത്ത മാംസത്തിന്റെ വിപണി

2006-06-04T18:05:00.000+05:30

if you can't say FUCK, u can't say "fuck the government!"